又到夏日榴槤當造的季節，澳門銀河酒店再度於綠洲宴會廳舉辦「仲夏榴槤盛會」，推出榴槤放題自助餐。大家可以任食6款精選馬來西亞新鮮運到榴槤王，包括港人熟悉的貓山王及D24，全部即開即食，更精選4個出名時令榴槤，配上多款特式榴槤甜品，榴槤控係時候出動啦！
榴槤每朝由馬來西亞新鮮運到，馬來西亞主廚精心選出6大時令榴槤：貓山王、D24、XO、柔佛黃金D101、紅蝦及葫蘆，由淡至濃味、不同口感及香味都有齊，師傅即場即開，保證新鮮。
每位客人都有一個五吃錦繡榴槤拼盤，有齊6款榴槤、榴槤葡撻、榴槤布甸、炸榴槤球及榴槤糕。令客人可一次試勻6款榴槤，再按自己口味，到不同榴槤攤自取。
人氣之選的貓山王，果肉黃金厚實，口感綿密順滑，入口先甜後甘苦，味道濃郁，層次豐富。
另一為人熟悉的D24，有「蘇丹王」美譽，果肉堅實飽滿，甜中帶甘。
初入門首選柔佛黃金D101，果肉呈深黃帶紅，甜而不苦，質感柔滑，易入口，適合初級者入門。
另有較特別的XO，味道甘甜，帶酒香甘澀。橙黃色果肉的紅蝦，味道強烈濃郁。榴槤大賽冠軍的葫蘆，香甜綿密，入口幼滑。
更有其他時令水果如果后山竹、紅毛丹、大樹菠蘿、楊桃等，解榴槤熱。
同場設有不少馬來西亞特式小食，如沙嗲串燒、燒蜜糖雞翼、叻沙及堅蔬果沙律Rojak，記得留肚食埋！
澳門銀河「仲夏榴槤盛會」
地點：澳門銀河天浪淘園綠洲宴會廳
日期：2019年7月6、7、13、14日
時間：5pm－7pm、7:30－9:30pm
價錢：MOP$598／位，另有贈MOP$100海鮮燒烤自助餐現金券
訂座方法：+853-8883-2221、www.galaxymacau.com
↓【限時搶⚡】Ísey Skyr健康冰島乳酪套裝！↓
↓ 使用比普通乳酪多近4倍的牛奶！/ 好像Gelato義式雪糕一般的口感！↓
↓【必收藏】最新深圳食買玩攻略！↓
↓ 大灣區一小時生活圈！最新打卡熱點／熱門美食等！↓
