在旺角女人街有一間西餐廳「L.A Restaurant & Dessert Bar」，其店店主前身是5星級酒店的廚師，食物質素有一定的保證！店舖提供多款西式菜，除了有各式豬、牛、羊扒，還有軟殼蟹意大利飯及大大件德國豬手等菜式，今個週末不妨試下啦！
脆炸軟殼蟹意大利飯$88（Dinner set：包是日餐湯及餐包）
軟殼蟹意大利飯可說是店舖的招牌菜，軟殼蟹十分鬆脆，蟹蓋內有很多蟹膏，味道濃郁。
意大利飯很有咬口，而且是用自家秘製的蟹膏醬製作，所以每啖飯都有淡淡的蟹膏味。
店主前身是5星級酒店的廚師，自家秘製蕃薯蓉作各扒類菜式的配料。
厚切炭燒安格斯西冷配燒肉汁$268（Dinner set：包是日餐湯及餐包）
店舖的牛扒套餐價錢由$128-288不等，而小編就試了這個厚切安格斯西冷扒，肉質厚實又juicy！
起初以為牛扒配紫薯蓉味道會好奇怪，但原來食落頗夾。紫薯蓉磨都好軟滑，有微微的奶香味，值得一試。
德國鹹豬手配酸椰菜$158（Dinner set：包是日餐湯及餐包）
德國鹹豬手的豬皮焗到好脆，豬肉軟腍，重點要大大件，適合一眾食肉獸。
IBP豬鞍配黑醋蘋果醬$158（Dinner set：包是日餐湯及餐包）
豬鞍肉質鮮嫩，配上酸甜蘋果醬更開胃。
香草燒羊架配薯菜$148（Dinner set：包是日餐湯及餐包）
一碟有3件羊架，羊架羊味濃郁，適合一班羊肉控！
蘋果金寶配雪糕$58 (Dinner meun)
蘋果金寶有好多蘋果粒，好足料。聞落有淡淡玉桂味，食落酸酸甜甜。
這裏還有黑牛($32)供選擇，黑牛大大杯，對於女士來說可能需要跟朋友happy share～
由於店舖座位不算多，建議先打電話預約。
「L.A Restaurant & Dessert Bar」
地址：旺角通菜街25號地下
營業時間：12:00 - 22:30
聯絡電話：2638 0198
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
↓【必收藏】最新深圳食買玩攻略！↓
↓ 大灣區一小時生活圈！最新打卡熱點／熱門美食等！↓
