驚安之殿堂上星期已經登陸尖沙咀啦！相信大家都知道那裏有很多由日本直送的零食，所以小編都立即去搜羅一下甜品控最喜愛的甜食，包括有芝士蛋糕味麻糬、生切麻糬、兩款芝士蛋糕、Tiramisu及冬甩球，即刻睇小編試食報告啦！
芝士蛋糕味麻糬 $99.8 (6粒)
這個芝士蛋糕味的麻糬存放於凍櫃內，包裝顯示解凍時間為2-3小時。
麻糬無論是氣味及味道都有好濃的芝士味，食落不算十分煙韌，較似cream cheese，而且有淡淡的牛奶味！推介！
生切麻糬 $37.8 (1kg，約18-20件)
如果不想食凍野，可以試下生切麻糬。這個生切麻糬是風乾了的麻糬，需要再加熱。
包裝上表示有3個加熱方法：1. 將生切麻糬放在水中，再放入500W微波爐叮2分鐘；2. 將生切麻糬放入麵包爐焗至有金黃色，再焗多4-5分鐘，然後熄火焗1分鐘；3. 將5個生切麻糬放入1L水中，水滾後較至弱火，麻糬浮至水面再煮多2-3分鐘。
小編嘗試將生切麻糬不放入水，直接放入800w的微波爐，再較至中火叮30秒，都可以令麻糬變軟，亦有外韌內軟的口感。
這個麻糬原本是沒有味道，只有糯米香味，建議再配上朱古力醬、煉奶、花生醬、花生粒或芝士。麻糬口感十分煙韌，適合一班煙韌控！
檸檬芝士蛋糕／半熟芝士蛋糕／Tiramisu $56.8/1件
檸檬芝士蛋糕味道酸酸甜甜，芝士味濃度一般，口感軟滑。
半熟芝士蛋糕整體比較乾身。
Tiramisu整體濕潤，有淡淡咖啡味，三款蛋糕中最好味。
冬甩球配忌廉 $48.8
最後有比較少見的冬甩球配忌廉，冬甩球跟平時食的冬甩相似，而且有豆沙餡。
配上有粒粒果仁的忌廉，口感豐富。
如果怕甜膩的話，建議不要配忌廉食。
售賣點：驚安之殿堂
地址：尖沙咀美麗華酒店地庫
