正在閱讀
Title
【沙田新城市】召喚沙田友!沙田區8大已消失景點 東京新幹線/西田/UA戲院變回憶

召喚沙田友!沙田區8大已消失景點 東京新幹線/西田/UA戲院變回憶

發佈: 2019.07.16
文: YY

沙田區相當大,住大圍、禾輋、火炭、馬鞍山、石門的朋友,大家都同為沙田友。住喺沙田咁耐見住沙田的變遷,以往放學去沙田新城市東京新幹線、晚飯入禾輋大排檔食陳根記,如今的沙田人山人海,想去shopping又太多人、晚飯想搵個地方食餐飯都要排餐飽。今日就同大家回憶一下那些年不復存在的沙田,大家又想念嗎?

 

1. 西田

「西田」呢個名相信各位80、90後一點都不陌生,提供一站式衣食住行的百貨,相信不少朋友小學年代都試過跟媽媽或者同同學仔到西田超市試食,除了有超市亦有food court,很多中學生放學都會去打躉。西田於2008年易名為一田百貨,雖然一樣有不同美食、超市及生活百貨,不過3樓的food court就已於去年拆遷,在底層另開美食區。

 

2. 沙田麥當勞

麥當勞新城市分店於1984年開業,相信是各位大人細路的共同回憶,這間分店更曾上榜全球10大最繁忙麥當勞分店,可想而知其每日的顧客量十分多。不過即使是麥當勞仍然敵不過貴租,於2015年結業,不少網民都表示十分不捨。

 

3. 東京新幹線

除了旺中、葵廣,想當年中小學生的蒲點一定要數沙田新城市地庫的東京新幹線,上層書局同底層戲院中間夾層的一個「小日本」,有不同特色小店及貼紙相機,相信大家都有同閨密去影過!

 

4. 八佰伴

八佰伴可能就要70、80後才會比較熟悉,80年代開幕,當時佔據新城市4樓層部分舖位,有超級市場、美食廣場、生活百貨,其公仔燒餅十分有名,到1997年便結業,如今則變成City’super,食唔到公仔燒餅都可以食大判燒~

 

5. 陽光一代

陽光一代一樣是80後的童年回憶,當年是一間專賣Pizza的快餐店,餡料多夠抵食,絕對是窮人恩物!

 

6. UA戲院

人生有幾多個10年?相信不少沙田友都用了其中一個10年來等沙田UA的IMAX戲院。沙田友都知當年的沙田UA戲院細、座位少,很多人都寧願選擇到其他地方睇戲,2007年沙田UA圍板宣布裝修,決定要興建IMAX影院,結果由小學等到中學都就畢業,都仍未等到IMAX落成,最後IMAX就無,反而於上年轉手變為MCL。

 

7. 南城雪糕屋

禾輋有多間中學,當年的禾輋商場有維苑、美食軒、五十嵐,而另一間學生經常光顧的就是士多南城雪糕屋,原來於90年代落戶,有成20年歷史,除了有一般士多的糖果零食外,還有賣撈麵、雪糕,後期更有禾輋名物「蜜糖咖哩魚蛋」,可惜於2016年就結業。

 

8. 陳根記

沙田禾輋邨大牌檔陳根記十分有名,除了是禾輋街坊的飯堂,更周不時會有「跨區人士」來朝聖,不過去年禾輋邨大執位,AEON及底層商店幾乎無一幸免,而陳根記亦於年尾正式結業,不過就進駐大埔及石門開分店,粉絲一樣可以食到!

現在大牌檔附近的位置暫時開設了金仔,由樓上舖搬落地下,驟眼看舖位更大,亦一樣是90後、00後中學生的回憶~

 

以上8個回憶舊地你又去過幾多個呢?

圖片來源:WiNG@Wikipedia(新城市廣場高層地庫東京新幹線)FB@一田百貨 (YATA) - official PageFB@南城雪糕屋、麥當勞、newtownplaza

【沙田新城市】召喚沙田友!沙田區8大已消失景點 東京新幹線/西田/UA戲院變回憶

↓【U Lifestyle App限定】送iPad mini (Wi-Fi版)!↓

立即入App答問題 人氣獎品、優惠折扣隨時等您攞!

發表食譜

免費登記成為U Lifestyle 會員
即時接收最新資訊並盡享獨家優惠

more