最近流行芫荽,不同餐廳、零食都推出芫荽系列美食,旺角早前有一間新開的腸粉專門店「日日蒸腸粉」,推出不同特色口味腸粉,其中就有芫荽雞蛋腸粉,每日限量發售,吸引了不少芫荽控。最近該店又有新搞作,推出芫荽套餐,芫荽皮蛋腸粉配上凍檸荽,鍾意芫荽的朋友可以挑戰一下!
店內有多款特別口味腸粉如五寶腸和蔥花蜆肉腸,其中主打的芫荽腸粉($32)將芫荽攪碎混合米漿蒸製,有濃烈的芫荽味,配上雞蛋令腸粉更滑,帶蛋香。
最近店家更推出升級版的芫荽皮蛋腸粉($32),用上雙倍芫荽,味道更香濃!另有更推出全新凍檸荽飲品($18;跟餐$12),味道酸酸甜甜。兩款新品將於7月27日開始供應,各位芫荽一於去食返個芫荽餐!
日日蒸腸粉
地址:旺角中心一樓F85舖
營業時間:星期一至日 11am-10:30pm
電話:6222 1681