正在閱讀
Title
【月餅優惠2019】中秋節送禮自用月餅大全 10款月餅禮盒推介:美心流心奶黃月餅/Häagen-Dazs雪糕月餅/KFC

中秋節送禮自用月餅大全 10款月餅禮盒推介:美心流心奶黃月餅/Häagen-Dazs雪糕月餅/KFC

發佈: 2019.08.02
文: YY

【2019中秋節】話咁快下個月9月13日就到中秋節,來到8月份相信大家都開始買月餅,今年不同餅店、餐廳一樣推出多款傳統蓮蓉月、流心奶黃月餅、榴槤月餅等,當然亦不少得新口味,今次小編就為大家推薦12款月餅,提早訂購更有早鳥優惠,一齊睇下邊款啱你心水啦~

 

1. 美心月餅卡通人物主題月餅

提到月餅,相信大家都會想起美心的流心奶黃月餅,自數年前推出至今,每年都有很多人瘋搶,網上炒價更可多1倍,今年就舉辦網上抽籤預訂。其實美心除了經典流心奶黃外,亦有其他不同款式,今年就推出Avengers及迪士尼公主主題月餅,另外亦有流心朱古力月餅、D24榴槤冰皮等。

 

2. 東海堂流心月餅

慶祝朋友生日唔少人都會選擇東海堂的蛋糕,不過東海堂除了蛋糕外,亦一樣有月餅!今年東海堂有新推出的流心芝士月餅及流心抹茶月餅,另外更有POKEMON主題的奶黃月餅,各位芝士控、抹茶控不妨一試~

 

3. Van Gogh SENSES名畫月餅

中秋想買月餅送禮,當然要搵包裝比較得體!今年尖沙咀梵高藝術體驗館Van Gogh SENSES就推出了一系列以梵高名畫為概念的奶黃月餅,每一款設計都好有藝術感~

 

4. A-1 Bakery焙茶月餅

A-1 Bakery早前與中村藤吉合作推出芝士撻,今年中秋就緊接推出抹茶及焙茶奶黃月餅,採用日本優質抹茶及焙茶粉,茶香濃郁,鍾意飲茶的朋友都可以試試!

 

5. Starbucks星空月餅

Starbucks今年再度推出星巴克月餅禮盒,今年以星空為主題,配上兩款麻糬月餅,禮盒印有Starbucks人魚,更可以發光變成燈飾。

 

6. 奇華乳酪月餅

奇華餅家去年與小丸子聯乘推出奶黃月餅,今年就輪到Sanrio,乳酪奶皇月配上Hello Kitty、My Melody、PC狗及AP鴨圖案,更有不同Sanrio用品,Sanrio粉絲唔可以錯過!

 

7. KFC全桶月餅

KFC今年踩過界推出月餅,「全桶」月餅設計別出心裁,以KFC經典炸雞桶為包裝,內置LED燈更可變為燈籠。而月餅就有雞絲果仁及鹹蛋黃奶黃口味,夠哂搞鬼!

 

8. 品穀麻糬月餅

本地麵包店「Big Grains 品穀」主張無添加,開業以來一直有不少捧場客,今年中秋就推出麻糬月餅,一共3款口味,煙韌控一定要試下~

 

9. Häagen-Dazs雪糕月餅

除了一般傳統月餅及奶黃月餅外,不少人亦會選擇雪糕月餅。Häagen-Dazs今年繼續聯乘LINE FRIENDS推出限定雪糕月餅,4位主角造型朱古力脆皮月餅,更附送LINE FRIENDS冰袋,鍾意BROWN的朋友一定要收藏!

 

10. 烘焙坊PEPE冰皮月餅

Pepe the Frog青蛙因Whatsapp Sticker而成為近期大熱卡通人物,荔枝角一間烘焙店就推出Pepe青蛙冰皮月餅班,可以親自整PEPE造型的月餅,超盞鬼,今年一於去整返盒同朋友一齊分享啦~

 

各款月餅都有不同優惠,大家又有冇睇啱邊款呢?

【月餅優惠2019】中秋節送禮自用月餅大全 10款月餅禮盒推介:美心流心奶黃月餅/Häagen-Dazs雪糕月餅/KFC

↓↓↓【新登場!】全新U Lifestyle App ↓↓↓

免費下載 隨時隨地 睇盡最Hit飲食及生活資訊!

發表食譜

免費登記成為U Lifestyle 會員
即時接收最新資訊並盡享獨家優惠

more