依家開電視、Facebook、Instagram，周圍都係廣告，想吸引人睇就一定要搞搞新意思，夠有創意先能夠留住客人。KFC早前就於銅鑼灣開設全新概念店，更推出創新「全桶」月餅，仲推出兩個搞鬼廣告，搵嚟KFC型男上校吟詩作對，仲發帖邀請麥當勞叔叔、三哥同Pizza Hut一齊開中秋節Party！
KFC早兩星期於官方Facebook推出經典宋詞《水調歌頭》的Remix版，由全新型男上校大唱改詞版但願人長久，宣傳銅鑼灣新店及全桶月餅。
唔少網民都大讚KFC夠抵死有創意，睇完廣告仲想買月餅嚟試下。
創意一浪接一浪，KFC乘勝追擊向麥當勞叔叔、Pizza Hut同譚仔三哥發出請帖，邀請大家中秋節帶薯條、芝心批、米線到銅鑼灣概念店開Party。廣告對聯夠哂盛鬼，而且細節位做得好足，大家又有冇發現海報上的小彩蛋呢？
網民見到廣告都即刻問「係咪可以帶米線入嚟食？」，亦提醒KFC請埋其他連鎖餐廳，唔知其他餐廳又會點回覆呢？
譚仔三哥、Pizza Hut同麥當勞亦冇令大家失望，在官方Facebook出post回應。
雖然KFC只係邀請了3間連鎖餐廳，但美味棧、馬百良同葡萄適見到又想玩埋一份，出Post想同KFC交流～
話明開Party，當然唔會只請3個朋友，KFC就繼續發請帖，今次就邀請太興同大快活。
作為香港的環保先鋒，大嘥鬼亦好細心出短片提醒大家食得哂先好嗌～
雖然未有得叫齊人開Party，但KFC上校就率先買齊外賣試菜，仲食得乾乾淨淨，果然有聽大嘥鬼話！
↓點擊圖片放大↓
圖片來源：FB@KFC、FB@譚仔三哥米線、FB@美味棧、FB@McDonald's、FB@Pizza Hut、FB@馬百良藥廠、FB@大嘥鬼、FB@葡萄適
