香港都食到人氣吉列牛!日本京都勝牛炸牛排2月登陸銅鑼灣

發佈: 2021.02.01
文: 李欣怡

日本過江龍「京都勝牛」2019年宣布登陸香港,當時選址將軍澳東港城,不過其後再無消息。事隔一年半,京都勝牛終於另覓舖位,將於2月登陸銅鑼灣,以後在香港都一樣食到招牌日式炸牛排喇!

炸牛排專門店「牛カツ京都勝牛」於日本有超過50間分店,在東京、大阪都等地都有分店,繼進駐韓國及台灣後,官方宣佈正式登陸香港,預計2月中於銅鑼灣開設第一間分店。

京都勝牛主打各個部位的吉列牛,以180度的高溫快炸60秒,麵衣酥脆金黃,牛肉鮮嫩。店家提供7種不同調料配搭吉列牛,必試元祖炸牛排沾溫泉蛋汁!

【京都勝牛香港】香港都食到人氣吉列牛!日本京都勝牛炸牛排2月登陸銅鑼灣

除了吉列牛外,亦有其他美食,如海老豬扒定食、牛醬丼等,雖然未知香港會有甚麼款式,不過都可以睇睇台灣menu先!

 

京都勝牛香港店

地址:銅鑼灣謝斐道535號Tower 535地庫B01號舖

開幕日期:預計2021年2月中

 

圖片來源:FB@牛カツ京都勝牛京都勝牛

【京都勝牛香港】香港都食到人氣吉列牛!日本京都勝牛炸牛排2月登陸銅鑼灣

↓【限時搶⚡】日清盈優青汁套裝!↓

↓ 日本製造 / 2款口味:清爽蘋果味、濃厚白桃味!


↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

more