正在閱讀
Title
【9月優惠】10大餐廳9月推出全新優惠 KFC優惠券/半價自助餐/甜品放題

10大餐廳9月推出全新優惠 KFC優惠券/半價自助餐/甜品放題

發佈: 2019.09.02
文: YY

暑假話咁快就完,來到開學月,又係時候睇下各大餐廳9月有乜至抵優惠,今次就為大家推介10個餐廳優惠,有甜品放題、KFC優惠券、半價丼飯同自助餐優惠,仲唔mark實呢10大jetso,約埋朋友去食返夠本!

 

1. KFC優惠券

KFC最近於甜品站新推出芒果沙冰,而餐廳亦一次推出19張著數優惠券,有3重芝士脆雞的現金折扣券、早餐折扣及2人餐、$20五件雞翼等優惠,只要截圖就用得!

 

2. 半價壽司

日本過江龍美登利於今個9月在沙田開設香港第3間分店,沙田分店更會推出新張優惠,吞拿魚赤身壽司及三文魚壽司半價,優惠限時3日,想試的朋友就要把握機會喇!

 

3. 半價丼飯

尖沙咀主打足料丼飯的「鮨一」最近推出著數優惠,三文魚子丼、痛風丼及A5和牛刺身丼,3款人氣丼飯只要半價就可以食到,鍾意食刺身丼的朋友千祈唔好錯過!

 

4. $20甜品放題

夏麵館荃灣及葵涌分店早前推出甜品放題優惠,晚市消費滿指定金額就可以加$20任食多款上海甜品,包括酒釀丸子、貓山王榴槤高力等。

 

5. HeSheEat晚市任食牛扒

HeSheEat於9月推出晚市優惠,$180可以在90分鐘內任食美國頂級穀飼牛扒、餐湯、薯條、沙律及冰茶,啱哂各位食肉獸去擦餐勁!

 

6. $33任食泰式甜品

旺角一間新開的泰國餐廳推出限時優惠,人均消費滿指定金額,即可以$33優惠價加購甜品放題,可以任食芒果糯米飯、榴槤撻、朱古力心太軟等多款甜品。

 

7. 自助餐優惠

不少酒店都經常推出自助餐優惠,有下午茶自助餐買一送一、晚餐買二送一、半價等不同優惠,最平$180就食到海鮮自助晚餐,一齊睇睇7間自助餐至抵優惠~

 

8. 丼飯第二碗半價

荃灣爆丼丼最近推出丼飯第二碗半價,最平$54就食到足料魚生飯,有海膽丼、拖羅蓉三文魚籽丼、拉絲芝士牛肉丼飯等多款選擇,仲唔約埋朋友一齊去食!

 

9. BAKE芝士撻買5送1

日本過江龍BAKE Cheese Tart上月宣佈香港分店全線結業,並推出最後優惠,芝士撻買5送1。繼銅鑼灣後,觀塘分店亦會於9月下旬結業,仲未食過的朋友要把握機會喇!

 

10. 下午茶Pizza放題

Wildfire Pizzabar最近推出任飲任食下午茶,3間分店下午茶時間可以$99任食指定Pizza、意粉及肉腸拼盤,仲可以任飲啤酒汽水,仲唔叫埋一班大胃王朋友一齊去食夠本!

 

↓↓↓【新登場!】全新U Lifestyle App ↓↓↓

免費下載 隨時隨地 睇盡最Hit飲食及生活資訊!

發表食譜

免費登記成為U Lifestyle 會員
即時接收最新資訊並盡享獨家優惠

more