召集無辣不歡的朋友！今次為大家搜羅了多間麻辣火鍋和麻辣雞煲餐廳，有足足4層高超浮誇的四川麻辣鍋，還有性價比高的麻辣雞煲放題，只需$98起就可以任食雞煲，有餐廳更推出遊戲讓大家免費撈蜆食，相當抵食！下次一大班人食飯就試試這幾間麻辣店啦～
1. 辣吧 （尖沙咀）
銅爐香鍋 （第一層 $288｜每追加一層 $200）
鍋爐最高可疊至四層，要站起來才食到！每層可選一款主菜，如鮮鮑魚、小龍蝦、花甲、白鱔魚、鮮雞件、雜錦豬（豬腩肉、豬頸肉、豬大腸、豬肚）等。口味方面有香濃麻辣味、老乾媽爆炒、蒜香、京燒和紅燒味。
老乾媽爆炒鮑魚大大隻，鮮味十足，不韌。
麻辣龍蝦仔足足有26隻，份量澎湃。麻辣味用上子彈椒、燈籠椒、花椒、八角、果皮，白蔻等十幾種香料，香辣惹味。
辣吧地址＋營業時間：
2. 金啫の鍋 （旺角）
雞煲可無限添雞，海鮮可選其中一款海鮮，有鮑魚、蟹、蟶子、啫蝦等。享用海鮮後還可免費加湯轉打邊爐。火鍋有超過50款火鍋配料，全都是任飲任食。餐廳還推出用手撈蜆遊戲，撈幾多送幾多，一大班人食飯！
海鮮雞煲放題
5:30pm - 7:30pm （限時2小時） $188
7:30pm - 9:30pm （限時2小時） $238
9:30pm - 1:00am （無限時） $188
麻辣雞煲可自選辣度，客人還可以無限食雞肉，雞肉入味嫩滑。
餐廳推出了「一手蜆」遊戲，客人可雙手撈蜆一次，撈幾多就送幾多！每2 - 4位客人玩一次，4 - 8位玩兩次，如此類推。
全場多達50款火鍋配料任食和任飲各款飲品，有肥牛、手工雲吞、白鱔等。
金啫の鍋地址＋營業時間：
3. 回到味來 （旺角）
餐廳指定時段的$98火鍋放題一直好受歡迎，可選麻辣雞煲或卜卜蜆煲，任食火鍋配料有肥牛、羊肉卷、手工餃和丸類等超過60款選擇，還可任飲果汁、汽水，相當抵食。現在任食套餐優惠更「加碼」，只需$148就有齊火鍋放題，還有任食海鮮串燒、任飲珍珠奶茶、奶蓋綠茶等台式飲品！
$98兩小時火鍋放題時段：5pm - 7pm｜9:30pm - 1am
包括自選雞煲或卜卜蜆鍋。
食完雞煲後可轉做火鍋，有蟹柳、腸仔、手工鮮蝦雲吞、手工鮮蝦餃、包心蟹籽丸、芝士魚豆腐等60多款配料、10款串燒可供任食。
$148兩小時任食套餐火鍋放題時段：5pm - 7pm｜9:30pm - 1am
除了上述食物外，還有34款串燒（包括海鮮）任食、23款台式飲品（包括珍珠奶茶、奶蓋綠茶）任飲！
回到味來地址＋營業時間：
