大埔廣福道美食多多,由掃街小食、甜品,到煲仔飯、車仔麵都有,而附近運頭街亦有不少選擇。最近運頭街的拉麵店「一鳴拉麵」就在旁邊開設新餐廳「一鳴丼食堂」,主打日式丼飯,另外更有不同沙律、小食、串燒炸物等,大埔友有多個地方歎喇!
一鳴丼食堂主打8款牛肉丼飯及海鮮刺身丼,另外亦有不同小食選擇,丼飯每款配料都十分豐富。除了丼飯,菜單亦有沙律、玉子燒、炸物、串燒等選擇。
究極甲羅盛 ($198)
丼飯上先鋪了蟹肉及蟹籽,再放上已剝殻的蟹腳及蟹鉗,啖啖蟹肉。將蟹蓋中的蟹膏、蟹籽、蟹肉、鵪鶉蛋及香蔥放到丼飯中拌勻,蟹膏香濃,每口飯都鮮味十足。
炙燒牛肉丼 ($138)
丼飯鋪滿即燒美國牛肉,再淋上醬汁及蛋黃,醬汁酸酸甜甜,配上牛肉減少油膩感。
北海五品盛 ($178)
丼飯配上三文魚、油甘魚、帶子、海膽及牡丹蝦,再鋪上三文魚籽,刺身份量十足,海膽大大塊,牡丹蝦鮮甜肥美!
芝士明太子玉子燒 ($68)
汁燒雞翼 ($28)
汁燒厚切牛舌 ($56)
一鳴創作醬炸雞 ($46)
想試足料丼飯的朋友記得book位喇!
一鳴丼食堂
地址:大埔運頭街20-26號廣安大廈地下F舖
營業時間:星期一至四晚上6時至11時;星期五晚上6時至11時30分;星期六中午12時至下午3時30分及晚上6時至11時30分;星期日中午12時至下午3時30分及晚上6時至11時
電話:35655415