喜歡食鰻魚的朋友留意!銅鑼灣百達中心近日新開了一間主打鰻魚料理的專門店「鰻工房」,最平$68就食到蒲燒鰻魚飯,另外還有三重鰻魚丼,可以食勻穴子、蒲燒鰻魚和白燒鰻魚三種不同口感,店家價錢十分親民,去開銅鑼灣的朋友可以試試。
銅鑼灣近日發現新開一間鰻魚料理專門店「鰻工房」,店鋪座位不多,裝修設計讓人猶如置身於日本小店。
店鋪所有鰻魚料理即叫即製~
蒲燒鰻魚飯($68),有大約半條的鰻魚份量,價錢好抵食!
件件鰻魚都好厚身~
原條蒲燒鰻魚飯($98)
三重鰻魚丼($198),有齊穴子、蒲燒鰻魚和白燒鰻魚,試勻不同口感的鰻魚。蒲燒鰻魚及穴子口感軟腍,而穴子肉質較薄身;白燒鰻魚外皮好脆,肉質較爽口。
鰻魚蕎麥麵($78),配搭清新,同時可以食到穴子、蒲燒鰻魚。
鰻魚飯堡($78),面層軟糯煙韌,是一款鰻魚飯較創新的食法。
另外可加$30轉套餐,有溫泉蛋、鹹菜、鰻魚肝白貝湯、玄米茶等等。
鰻工房
地址:銅鑼灣謝斐道468號百達中心地下D號舖
營業時間:星期一至日12pm-11pm
電話:84819684