小學生時代大家食零食鍾意食邊款？媽咪麵、鱈魚絲、魚肉腸、熊仔餅，相信唔少人都會記得愉快動物餅，每塊餅都有不同動作形狀，上面仲印上動作的英文，一邊食一邊學英文！最近日本就有玩具公司為呢款經典零食推出一系列扭蛋，想要留住童年回憶的朋友就要去日本搵下喇！
SK JAPAN扭蛋公司最近推出一系列5款的動作扭蛋，睇真啲原來係愉快動物餅包裝上的其中5隻動物！今次第一彈有獅子、河馬、貓咪、雞仔同大象，一隻300日元(約港幣$22)，官方亦公佈第二彈將會於11月推出，暫時得日本地區可以扭到。
想儲一套的朋友就要去日本旅行時順便搵搵喇～
圖片來源：twitter@skcapsuletoy
