正在閱讀
Title
搜羅3間海鮮火鍋專門店 巨型長腳蟹/抵食大閘蟹/養生粥底/一人火鍋

搜羅3間海鮮火鍋專門店 巨型長腳蟹/抵食大閘蟹/養生粥底/一人火鍋

發佈: 2019.11.27
文: Rachel Cheung

下星期開始轉涼啦!在寒冷的天氣最適合食暖笠笠的海鮮火鍋,以下有3間海鮮火鍋專門店,店舖分別推出不同的海鮮套餐,有超養生粥底海鮮火鍋、巨型長腳蟹海鮮火鍋套餐、大閘蟹平均每隻$14.5、一人海鮮火鍋等特色套餐,各位海鮮迷要注意啦~

1. 達順辣蟹火鍋

這間海鮮火鍋店位於銅鑼灣,最近新推出養生粥底海鮮火鍋套餐,每位成人$198就可以食到7款海鮮及連有8款火鍋料,最後更可以食到由五穀煮成的養生粥底,想打邊爐又想食得健康的朋友不妨試試啦!

粥底由五穀煮成,包括有藜麥、大麥仁、紅豆、綠豆及紫米,十分養身!而且五穀粥底比平時的湯底較沒有油膩感,食落好舒服。打完邊爐會有專人煮養生粥,更飽肚~

地址+詳細資料:

 

2. 九重鮮

主打韓式海鮮蒸鍋的九重鮮近日推出「阿拉斯加長腳蟹+海鮮粥底火鍋套餐」、$288九重海鮮塔套餐,全都包韓式料理放題,可以任食辛辣麵芝士蛋餅、芝士豬肋骨及精緻甜品等等。此外還有新出的$58/4隻大閘蟹優惠,各位蟹迷不可以錯過!

海鮮蒸鍋還有北海道帆立貝、花尾龍躉、泰國海蝦等,上層蒸海鮮,下層生滾粥。除了海鮮蒸鍋,還可以任食韓式自助吧,試勻多款韓式料理,例如有餐廳新出的「韓式Pizza」辛辣麵芝士蛋餅及芝士豬肋骨。此外還可以任食醬油鮑魚、水冷麵、海鮮泡菜煎餅等。

地址+詳細資料:

 

3. 船渦

如果很難約到朋友,都可以去全香港首間一人一鍋蒸氣火鍋的餐廳,店內設有一人座間隔,一個人去食都沒有問題!餐廳主打生猛海鮮,其中一名店主以前是水上人,亦由他每日精選海鮮。

餐廳提供多款套餐,部分包有龍蝦、蟶子皇、元貝、蟹、黃金蚌、蝦、鮮魚片、白蜆、鮑魚、大蜆等。蒸完海鮮之後可以選擇加入白粥或自家熬煮的原味魚湯,選擇粥底火鍋的朋友,在蒸海鮮前店員就會將南瓜及芋頭先放入鍋,在蒸海鮮的湯汁上再加香粥,夠哂原汁原味!

地址+詳細資料:

↓【U Lifestyle App限定】送iPad mini (Wi-Fi版)!↓

立即入App答問題 人氣獎品、優惠折扣隨時等您攞!

發表食譜

免費登記成為U Lifestyle 會員
即時接收最新資訊並盡享獨家優惠

more