一年話咁快就過去！來到12月，相信大家都開始見到不同的聖誕節優惠，不過除了要歡渡聖誕外，大家都唔好唔記得12月生日的朋友啊！各大酒店、餐廳、主題樂園每個月都會為壽星仔女提供不同折扣優惠，今次就為大家介紹12月份壽星可以享用的生日優惠，包括主題樂園免費入場門票、自助餐優惠、酒店住宿優惠等，快啲mark實心水優惠約埋朋友好好慶祝啦！
1. 香港半島酒店半價住宿
尖沙咀半島酒店為慶祝週年紀念，由即日起至明年3月推出「你生.我賞」優惠，生日正日或前後一天可以優惠價$1928入住豪華客房，足足平超過一半(原價$4380)！酒店更會送上驚喜生辰歡迎禮及可延遲退房至下午4時。
另外半島酒店的大堂茶座亦一樣有生日優惠，只要於生日月份惠顧大堂茶座晚市套餐2位或以上，即可享一客免費套餐以及生日蛋糕一個，優惠不適用於2019年12月21至31日。
2. 迪士尼免費門票/自助餐/優先入場證
香港居民只需預訂香港迪士尼三間酒店的指定房間優惠或套票，於生日月份入住，即享額外生日禮遇，當中包括壽星免費樂園門票一張、同行親友門票85折優惠、免費自助早餐等等，詳情可到官網查閱。
3. 免費生蠔海鮮自助餐
城景國際酒店推生日免費生蠔龍蝦海鮮自助晚餐優惠，多款主題菜式均以海鮮為主題，包括空運美國及紐西蘭生蠔、鱈場蟹腳、廣島生蠔天婦羅等，啱晒鍾意食海鮮的朋友們，只要4人惠顧，壽星就可免費享用自助餐，詳情可到官網查閱。
4. 火鍋店送牛肉刺身蛋糕
北角一間宮廷主題火鍋店推出生日送蛋糕優惠，只要4人或以上訂位用餐，就會送一個雙層牛肉刺身蛋糕！火鍋店主打美顏花膠雞鍋，最啱冬天食，夠哂暖笠笠，壽星仲唔約埋一班姊妹一齊去烚下烚下～
查詢：FB@滾得囍宮廷火鍋小炒
*入座前出示相關身份證明
*生日優惠不能與餐廳其他優惠並用
5. 愉景灣酒店生日套票
香港愉景灣酒店推出生日套票，壽星可以優惠價$1388起購買住宿連自助餐套票，包一晚山景客房住宿、雙人自助早餐及晚餐，另外更會送精美甜點及法國氣泡酒。放假去放鬆下，順便可以去海濱白教堂打卡！詳情請參閱官網。(優惠不適用於2019年12月21至31日)
6. 長洲酒店生日套票
放假想去長洲玩兩日的朋友可以留意下呢個優惠，長洲華威酒店推出$888起生日套票優惠，除了有海景住宿外，更會送精選蛋糕、露台早餐及額外一晚免費住宿，讓壽星可以盡情玩樂，詳情請參閱官網。(額外一晚免費住宿不適用於星期六及公眾假期)
7. 免費自助晚餐
富豪九龍酒店旗下的雅廊咖啡室推出生日優惠，壽星於生日月份更可享免費自助晚餐及生日蛋糕，同行之顧客亦可獲8折優惠。優惠適用於4至12位同時惠顧，每4位同行，當中只限1位壽星及每枱最多3位壽星，12月24至25日不適用，詳情請參閱官網。
8. 天際100免費門票及同行者7折
12月壽星只需帶同一位親友購票，便可於生日月份內免費登上100層的天際100，觀望維港景色，同行親友可以生日7折優惠購買門票，名額最多3名。另外，生日訪客可於Café 100 by The Ritz-Carlton以8折優惠購買餐單上的食品、惠顧禮品店及照相館正價產品，優惠詳情可到官網查閱。
圖片來源：The PENINSULA、香港迪士尼、城景國際酒店、SKY100、香港愉景灣酒店、FB@滾得囍宮廷火鍋小炒、長洲華威酒店、富豪九龍酒店
↓【免費送🎁】微熱山丘全新造型香蕉窩夫餅乾禮盒100盒！↓
↓ 進駐香港十週年大贈送│送埋香港獨家限量版布袋～↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
