Häagen-Dazs雪糕一向都是不少甜品控的最愛，有多種不同口味可以選擇，而且在便利店或超市就買得到，可以留在家中慢慢享用！外國網站The Top Tens就曾開設Häagen-Dazs最受歡迎雪糕口味的排行榜，讓網民投票選出最愛口味，統計出最受歡迎的10大口味，一齊睇睇你鍾意食的口味有冇上榜啦！
第10位 — Mango芒果
芒果味是不少人最愛的水果口味雪糕，很多網民都表示Häagen-Dazs的芒果味雪糕特別香濃，更食到啖啖果肉。
第9位 — Chocolate Peanut Butter 朱古力花生醬
香濃的朱古力味再加上花生醬的香味和軟滑細緻的口感，鍾意食花生醬的朋友必試！
第8位 — Chocolate Chip Cookie Dough 朱古力曲奇麵糰
雪糕裡加入了朱古力粒和餅乾，口感層次豐富。
第7位 — Coffee 咖啡
雪糕咖啡味香濃，甜度剛好，鍾意飲咖啡的朋友又有冇試過？
第6位 — Strawberry 士多啤梨
有網民指本身不喜歡士多啤梨味，但食過Häagen-Dazs的士多啤梨味雪糕便愛上，而他們最喜歡的是雪糕入面的粒粒鮮甜士多啤梨果肉！
第5位 — Vanilla 雲呢嗱
最經典的雲呢嗱口味非常受歡迎，香濃奶香加上雲呢嗱香味，百吃不厭。
第4位 — Cookies & Cream 曲奇忌廉
不少港人最愛吃的一款口味在國外亦大有人氣，混入香脆oreo曲奇碎，都是一款經典不敗的口味。
第3位 — Green Tea 綠茶
提到雪糕當然亦不少得的綠茶口味，散發純濃茶香，帶微微苦澀味，亦相當受歡迎。
第2位 — Pralines & Cream 果仁糖忌廉
這一款口味香港暫未有售，但有好多外國網民指焦糖和果仁是最佳配搭。
第1位 — Caramel Cone 焦糖脆餅
有網民指一食就會食上癮，更建議把雪糕放在微波爐中叮約15到30秒，讓雪糕口感與焦糖更夾。不過香港就未見有這一款，只有Caramel & Biscuit cream ，唔知味道一唔一樣呢？
大家又最鍾意Häagen-Dazs邊款口味？
資料來源：The Top TENS
圖片來源：IG@haagendazs_us
↓【送機票✈️】分享旅行靚相 贏免費機票↓
↓ 請您免費飛轉日／韓／泰！↓
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
