2019過江龍餐廳回顧!日韓台歐美餐廳/甜品/茶飲店/火鍋進駐香港

發佈: 2019.12.25
文: 李欣怡

話咁快又到聖誕節,代表2019年好快就完結!繼去年有多間台式茶飲店進駐香港,今年又多了很多各國來的過江龍襲港,除了有日本人氣梳乎厘Pancake、米芝蓮拉麵外,另外亦有很多歐美大品牌殺到,今次就同大家盤點一下本年度的過江龍餐廳,大家又食過幾多間?

 

今年有多間商場新開幕,南昌V Walk、北角匯、東薈城名店倉、山頂廣場等,其中尖沙咀的K11 MUSEA更是雲集10多間人氣過江龍餐廳,一開幕就引來不少人朝聖。以下小編幫大家分類整理50間今年抵港過江龍,一齊玩下呢個過江龍Bingo,睇下你究竟食咗幾多間!

 

甜品類

雖然2018年已有多間梳乎厘Pancake抵港,但今年仍不乏過江龍甜品店,有來自台灣的仙草芋圓店,亦有來自泰國、美國的雪糕店。

鮮芋仙

鮮芋仙於今年4月抵港,一開幕就引來大抿粉絲朝聖,香港店一樣食到招牌的手工芋圓及仙草沙,來到年底已在銅鑼灣、荃灣及屯門開設分店,唔知幾時先會在九龍區開分店呢?

 

王子神谷

日本比較有名氣的梳乎厘班戟幾乎都已來港開分店,今年就有台灣梳乎厘班戟外賣店王子神谷殺入港,用上日本及台灣食材,即叫即製,除了有招牌珍珠瀑布梳乎厘班戟外,亦有香港限定款式!

 

Gelato-Go

除了Pancake、芋圓,相信港人另一最愛甜品非雪糕莫屬,美國過江龍連鎖意式雪糕店Gelato-Go就於11月登陸尖沙咀,招牌口味Gelato-Go及開心果口味都係必試之選~

 

其他甜品過江龍:

 

下午茶

雖然2018年已有多間梳乎厘Pancake抵港,但今年仍不乏過江龍甜品店,有來自台灣的仙草芋圓店,亦有來自泰國、美國的雪糕店。

The Tiffany Blue Box

珠寶品牌Tiffany & Co.今年來港開設首間海外Tiffany Blue Box Cafe,Cafe以Tiffany標誌性的湖水藍為主調,透明玻璃屋空間寬敞舒適,餐飲方面除了有招牌Tiffany下午茶外,亦有一系列精緻早餐及單點選擇,最啱女士們打卡!

 

Fortnum & Mason

英國皇室御用品牌Fortnum & Mason今個12月正式抵港,其無限refill下午茶十分受歡迎,還未開幕,網上預訂已到明年才有位。除了下午茶外,香港店亦設有精品區,可以買到不同各款茶品及曲奇。

 

Afternoon Tea TEAROOM

來自日本的Afternoon Tea今年抵港,在K11 MUSEA開設旗下品牌餐廳TEAROOM,除了有精緻下午茶外,更有不同甜品,啱哂一眾甜食控!

 

麵包類

去年好丘Bagel及八月堂登陸香港引來不少粉絲朝聖,今年亦一樣有不同麵包類小店來港開分店,有三文治、法國牛角包等。

ISAAC Toast

要提到過江龍麵包店,當中最受矚目的相信就是韓國的ISAAC TOAST!今年年頭韓國SBS人氣歌謠三文治來港開設Pop Up Store,一眾韓流粉絲都去一試這個「偶像同款」三文治。而來到年底,期待而久的ISAAC Toast終於開幕,除了有人氣歌謠三文治外,當然唔少得各款招牌三文治款式!

 

Gontran Cherrier

有「巴黎最好味牛角包」之稱的Gontran Cherrier今年亦在尖沙咀K11 MUSEA開設首間香港分店,除了有麵包店人氣名物外,也推出了香港限定牛角包口味,鍾意食牛角包的朋友又多個選擇~

 

其他麵包過江龍:

 

麵食類

如果2018年是「珍珠奶茶年」,咁2019就是「拉麵年」,雖然以往已有不少拉麵店進駐香港,但今年足足有超過10間拉麵/台灣麵食進駐香港,當中更有米芝蓮得主餐廳~

多賀野

K11 MUSEA引入多間過江龍餐廳,其中就有連續獲4年米芝蓮必比登推介的多賀野拉麵,在日本食評網tabelogg更曾獲3.99高分,香港店開業至今仍見人龍。

 

老媽拌麵

台灣人氣即食麵品牌老媽拌麵於台灣有設立餐廳,今年年中更殺入香港,至今已有3間分店,除了可以食到招牌拌麵及牛肉麵外,更有不同台式小食及飲品。

 

其他麵食過江龍:

 

丼飯

今年亦有不少丼飯進駐香港,除了有兩間天丼專門店外,另外更有日本「御三家」之一的牛丼專門店進駐,到凌晨仍然有人排隊!

すき家 SUKIYA

期待已久的日本連鎖牛丼專門店すき家終趕及年尾開幕,首間分店選址旺角,主打各款平價日式丼飯,24小時營業,一開幕就引來不少人朝聖,甚至通宵排隊,相信すき家好快就會再開分店!

 

其他丼飯過江龍:

 

火鍋類

無論夏天定冬天,香港人任何季節都要打邊爐烚下烚下!近年除了台式麻辣火鍋外,美顏鍋亦是港人的另一選擇,大家又鍾意食邊款?

美滋鍋

來自新加坡的人氣美顏火鍋店美滋鍋年中登陸香港,主打養顏湯底及新鮮食材,其膠原蛋白養顏美容鍋是人氣之選,粉紅色裝潢設計,風格夢幻適合打卡!

 

鼎王

台灣人氣麻辣火鍋鼎王今年11月抵港,餐廳營業至凌晨4時,幾夜都可以打邊爐!招牌麻辣鍋和酸菜白肉鍋配上任食鴨血及豆腐,大家去咗朝聖未?

 

日山

連獲11年米芝蓮一星餐廳的東京百年名店日山早前進駐香港,可以歎到日山自家的A5黑毛和牛,更有專人為顧客現場烹煮正宗壽喜燒。

 

壽司類

提到拉麵、壽喜燒、梳乎厘Pancake,又點可以漏咗日本另一美食壽司呢?在日本極具人氣的壽司郎、富小路、頑固壽司等都選擇在今年襲港開設分店,大家又試過未?

壽司郎

壽司郎香港首間分店選址佐敦,未開業就引來大批港人關注,至今訂座已去到明年2月。壽司郎主打平價迴轉壽司的,數十款壽司全部$12起,夠哂抵食!

 

其他壽司過江龍:

 

茶飲類

要數知名的黑糖珍奶店,幾乎全部都已在去年抵港,不過今年仍然有不少人氣茶飲店來港開分店,台式茶飲仍然是港人最愛的飲品!

樂法

主打純天然健康鮮果飲的「樂法」年中登港,出售多款水果茶飲及沙冰,必試火龍果雲朵沙冰,用紅火龍果肉打成沙冰再加入乳酪,夠足料!

 

其他茶飲店過江龍:

 

小食類

除了各大過江龍餐廳外,今年亦有不少掃街小食登陸香港,可以一邊食住小食一邊行街shopping~

三進愛陌客

鮮芋仙於今年4月抵港,一開幕就引來大抿粉絲朝聖,香港店一樣食到招牌的手工芋圓及仙草沙,來到年底已在銅鑼灣、荃灣及屯門開設分店,唔知幾時先會在九龍區開分店呢?

 

阿里郎

韓國人氣熱狗專門店「阿里郎」年中抵港,主打一系列不同口味的熱狗棒,有腸仔及芝士夾心選擇,鍾意食芝士的朋友一定不可錯過!

 

驚安的殿堂

日本驚安的殿堂今年來港開設分店,至今已於尖沙咀及荃灣開設分店,店內更設有美食廣場,可以邊掃貨邊歎小食~

 

其他

除了以上9大類過江龍美食外,今年另外亦有不同餐廳登陸香港,包括日本湯咖喱、龍蝦專門店、海南雞飯等等不同美食,就連烘焙店都有!

GARAKU湯咖哩

湯咖喱在香港比較少見,北海道人氣名店GARAKU今年就在尖沙咀開設首間海外分店,供應數款招牌湯咖喱,必試豚肉雜菌特製芝士湯咖喱!

 

Red Lobster

美國連鎖海鮮餐廳Red Lobster在11月底開幕,香港店可以歎到即撈即煮的美國直送龍蝦,另外更有香港獨家限定款式,鍾意海鮮的朋友一定唔可以錯過~

 

其他過江龍美食:

 

其實除了上面50間餐廳外,今年香港仲有好多間過江龍餐廳,大家又數唔數得哂?

↓【限時搶⚡】MG Spirit西班牙清新水果酒!↓

↓ 獨特微醺體驗 / 西班牙釀製 / 天然新鮮果汁混合5.5%酒精伏特加!↓


↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

more