2020過江龍預告!6大人氣食店即將進駐香港:After You/京都勝牛/Afuri/燈籠滷味

發佈: 2020.01.03
文: 李欣怡

2019年有多間過江龍抵港,Isaac Toast、壽司郎、SUKIYA這些人氣食店都紛紛來港開分店。不過其實還有不少過江龍餐廳去年宣佈登陸香港但仍未開業,今次就為大家整理將於2020年於香港開業的6間過江龍食店,大家要密切留意喇!

 

1. After You

泰式甜品店After You Dessert Cafe在當地有30多間分店,遊客去旅行都會去一嚐招牌刨冰。After You其實早在2018年已有計劃來港開分店,去年亦有消息傳出會在年底開幕,不過其後After You亦將開店計劃壓後,希望今年會盡快開店啦~

 

2. Dominique Ansel Bakery

有「一生人一定要食一次」美譽的Dominique Ansel Bakery於去年3月份就已宣佈會來港開店,名廚Dominique Ansel更指香港店不會以招牌Cronut作賣點,而是會以全新概念登場。不過由於預備需時,直到上月才再有消息,新店「當文歷餅店」選址尖沙咀,並會於1月份開業。

 

3. 京都勝牛

日本長龍店「京都勝牛」主打吉列牛,在東京、大阪等地都有分店,其後更進駐韓國及台灣。去年年中京都勝牛宣佈登陸香港,於將軍澳開設首間分店,原定香港店會於10月開幕,不過最後亦將計劃推遲至2020年。

 

4. Afuri

又有日本著名拉麵店襲港!今次是主打柚子鹽拉麵的AFURI阿夫利,秘製雞骨湯底配搭柚子汁,清新不油膩。去年11月AFURI預告會登陸香港,選址尖沙咀The One,最近亦確認會於本月開業。

AFURI

地址:尖沙咀THE ONE L2全層i.t orange forest全新概念旗艦店

開幕日期:預計2020年1月15日

 

5. Cinnabon

美國人氣肉桂卷店Cinnabon趕在年尾宣布抵港,官方Facebook指將於2020年2月開幕,選址奧海城,希望好快就可以食到招牌焦糖肉桂卷啦!

 

6. 燈籠滷味

香港雖然有不同台灣過江龍,不過滷味店就一直未有來港開店,今年終於等到喇!師大夜市名物「燈籠滷味」日前宣布登陸香港,分店選址銅鑼灣,Facebook專頁亦指希望可以在農曆新年前同大家見面。

 

唔知今年仲會有咩過江龍抵港呢?

 

圖片來源:IG@aFter youFB@牛カツ京都勝牛FB@AfuriFB@CinnabonHKFB@燈籠滷味香港

↓【限時搶⚡】MG Spirit西班牙清新水果酒!↓

↓ 獨特微醺體驗 / 西班牙釀製 / 天然新鮮果汁混合5.5%酒精伏特加!↓


↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

more