皇牌「大汗」米線 海陸空酥脆滋味登場

發佈: 2020.01.13
文: U Food

以香辣同惹味見稱嘅「大汗」米線,令你品嚐到無窮滋味,刺激到額頭冒汗!今次米線陣決定搞搞新意思,加入新成員。除咗一直都係皇牌嘅大汗豬扒擔擔米線,今次仲加埋大汗霸氣雞扒番茄米線同大汗魷魚鬚麻茄米線,組成海陸空酥脆滋味征服大家嘅味蕾,即刻嚟睇睇每碗嘅特色啦!

 

全新「大汗系列」 三款米線各有千秋

講到「大汗」米線,不得不提佢嘅風沙配料,用上蒜頭、辣椒等材料,慢炸之後令主菜入口酥脆,刺激惹味,輕微嘅辣食落極之過癮!

如果係米線陣嘅Fans,相信都唔會對大汗豬扒擔擔米線陌生,作為皇牌產品,一直都人氣高企,酥脆豬扒份量十足,怖滿風沙配料,一咬落去肉汁滿滿。仲有自家製擔擔湯底,集麻油香、花生香、榨菜肉燥鹹香於一身,一啖豬扒一啖米線,滋味無窮~想另點大汗豬扒做小食一樣得!

皇牌「大汗」米線 海陸空酥脆滋味登場

之後就有新推出嘅大汗霸氣雞扒番茄米線,一樣大大件夠曬霸氣,脆口嫩滑又多汁,而今次就配上深受大眾喜愛嘅農場番茄湯,用海量新鮮番茄每日喺分店熬製,啖啖都係鮮茄精華,香甜濃郁,令人食唔停口啊!

皇牌「大汗」米線 海陸空酥脆滋味登場

另一款全新產品係「海」滋味嘅代表-大汗魷魚鬚麻茄米線,惹味彈牙嘅魷魚鬚仍然保持住鬆脆口感,配搭麻辣番茄湯米線,清甜番茄湯加上用多種辛辣香料熬製而成,將麻香、辣勁、酸甜三種滋味享受集於一個湯底之中,仲可以因應自己食嘅喜好而選擇大辣、中辣、小辣、微辣。

 

最佳配搭 勁爽解辣特飲

覺得好辣都冇有怕,兩款解辣特飲陪住你!激檸「雪碧」係青檸加檸檬,邊食辣邊飲係另一番體驗~仲有海鹽柚子「雪碧」,少少鹹多多趣,清新新穎嘅配搭絕對令你有意外驚喜~

 

資料由客戶提供

↓【社群送禮】麒麟一番搾啤酒及禮品套裝!↓

↓麒麟一番搾啤酒杯/櫻花富士山杯/櫻花玻璃碟↓


↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

more