在疫情影響下，飲食業正值寒冬，不少餐廳食肆也推出抵食的放題優惠吸引顧客，$100有找可以食到炸雞放題、泰式小食放題、車仔麵放題等等，款式多樣，各位大胃王係時候出動啦！
1・$99 炸雞放題
NeNe Chicken旺角分店2月推出多重優惠，全新炸雞放題低至$99起，可以任食自選口味炸雞及薯條，而且四人同行一人免費，還免費送一客指定主食如芝士火鍋、芝士炒年糕伴拉麵等等，大家可以試試NENE的新口味麻辣脆炸雞啦！
Click入下圖睇炸雞放題優惠套餐+3選1指定主食款式：
2・$78 泰式小食放題
九龍灣新開業的泰國餐廳「泰傳奇」推出泰式小食放題，每位只需$78即可在2個半小時內任食由泰國廚師即席製作的多款泰式小食，包括自創的泰式Pizza包、燒豬頸肉、香茅雞翼、泰式炸魚餅、炸蝦餅、薯圈等等，全部由泰國廚師炮製，每位免費奉送1支泰國勝獅Singha啤酒，加$38還可以無限任飲，好抵食！
Click入下圖睇可以任食咩款式啦：
3・$60 車仔麵放題
鴻仔記車仔麵推出$60車仔麵＋餸放題，任食35款餸包括豬紅、雞翼尖、廚師腸、雲吞等等，食足1小時。飲品方面也有任飲優惠，凡於本店任何消費，可贈飲雪梨蜜或柚子蜜，無限添飲。此外，加$10可以任食埋17款小食，+$22就全部任食+任飲22款飲品（包括黑糖珍珠奶茶任飲）。
Click入圖睇有咩餸任食＋MENU：
4・$98 純素自助餐
素食自助餐「無肉食」中環第4間分店主打純素主題，是香港首間供應純素的素食自助餐餐廳。供應午市純素自助餐，只需$98/位，而晚市純素半自助餐則是$138/位，可以任食約40款素菜。
5・$88 甜品放題
位於中環的The ThirtySix是由男神Daniel吳彥祖開設的高格調酒吧，最近推出$88甜品放題優惠，只要點一份主食加一杯特色cocktails，便可以加錢任食芒果糯米飯、火焰棉花糖多士、Tiramisu等多款甜品，食足兩小時！餐廳環境仲好chill，適合想打卡同想忙裡偷閒的朋友。
只要點一份主食及一杯cocktails，即可加$88享用甜品放題，無限任享以下甜品包括：
↓【免費送🎁】微熱山丘全新造型香蕉窩夫餅乾禮盒100盒！↓
↓ 進駐香港十週年大贈送│送埋香港獨家限量版布袋～↓
↓【必收藏】最新深圳食買玩攻略！↓
↓ 大灣區一小時生活圈！最新打卡熱點／熱門美食等！↓
