90後童年回憶!小學雞必玩尼奧寵物 小遊戲/隱藏地圖/筆刷/精靈任務(附遊戲連結)

發佈: 2020.03.30
文: 李欣怡

新冠肺炎疫情持續,不少都選擇留在家中抗疫。疫情影響下,除了搶口罩、消毒用品,Nintendo Switch亦成為另一搶購目標,最近任天堂新出遊戲《動物森友會》,令到全港Switch遊戲機供應短缺。買唔到Switch玩動森?不如玩住90後童年回憶「尼奧寵物」Neopets止下癮先啦~

提起小學雞時期必玩的線上遊戲,除了新線上遊戲地帶的各個小遊戲外,一定要數網上寵物遊戲「尼奧寵物」(Neopets),可以養卡奇、恰恰、臥吉等多款可愛寵物,帶住寵物探索尼奧世界,做不同任務、玩小遊戲贏NP金幣。其實尼奧寵物直至現在還在運作中,一齊回憶一下以前必玩的小遊戲同必去的冒險地方(附網站連結)!

 

1. 果凍世界 (link)

除了尼奧世界地圖上的地方外,尼奧寵物還有很多隱藏點,可以通過輸入網址前往,其中就有可以免費拎啫喱的果凍世界(Jelly World),雖然官方一直唔承認果凍世界,但仍然無阻玩家上網搵連結直接入去玩!其實除了果凍世界,還有很多地圖上沒有的地方,小編就記得有7-11同麥當勞,不過現在已經不存在了~

 

2. 彩虹池用筆刷 (link)

尼奧寵物一開始雖然有不同寵物選擇,不過顏色就只有紅、藍、黃、綠4款顏色,而且配色奇怪。所以玩家畢生的目標就係成功拎到不同畫筆幫寵物變靚靚!相信大家最想要的,都莫過於彩虹、雲彩、鬼魂、寶寶等特別款式~

 

3. 許願井 (link)

畫筆唔係咁易拎到,所以唔少人都會去許願井碰個運氣,只要捐贈NP,就可以許願你想得到的物品,不過當然唔係一定拎到啦!

 

4. 小遊戲賺NP

除了做精靈任務、抽獎之外,仲可以玩小遊戲賺NP,其中「海西蹺蹺板」、「雪糕販賣機」、「特麥克滾滾」都係人氣遊戲選擇。

 

喺屋企防疫又無嘢做?不如約埋朋友喺尼奧寵物相見啦~

【Neopets】90後童年回憶!小學雞必玩尼奧寵物 小遊戲/隱藏地圖/筆刷/精靈任務(附遊戲連結)

↓【限時搶⚡】位元堂養生花茶系列!↓

↓ 選用優質草本成分!/ 無添加香料同防腐劑!↓


↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

more