【長洲掃街】放假想遠離繁囂?不如來個長洲美食遊,掃街試勻港式美食和人氣甜品!食完香濃沙嗲牛肉通、鹹牛肉蛋治,再歎個芋圓椰皇、芒果糯米糍,還可以去Cafe食甜品,未夠喉就再飲杯自家製低糖水果乳酪或冰滴咖啡消消暑~
Click圖睇6大美食推介:
1. 長洲角酪
小店主打自家製的低糖低脂水果乳酪,酸奶乳酪用上香港子母奶,每晚自家發酵,賣完不留過夜,保證新鮮。店內有「長洲站」打卡牆,還有可愛貓店長陪大家飲乳酪呢~
長洲角酪地址+價錢:
2. 長洲冰室
甜品店的手作芋圓口感煙靭,更有不同甜點配搭,包括刨冰、豆腐花、涼粉等,大大份兩個人Share食都無問題!
長洲冰室地址+價錢:
3. 通記
這間港式茶記大排檔每日都有不少長洲街坊捧場,沙嗲牛肉通粉是必食之選,沙嗲湯底加入花生熬煮,超香濃。另外鹹牛肉蛋治亦值得一試,相當足料!
通記地址+價錢:
4. 長洲平記
店舖的招牌芒果糯米糍大大個,煙韌糯米皮包著香甜多汁的芒果,夏天食好消暑。小店還有榴槤糯米糍、士多啤梨紅豆糯米糍、Oreo曲奇糯米糍等多款選擇,滿足一眾甜品控~
長洲平記地址+價錢:
5. 島中坊研
Cafe走日系文青小清新路線,設室內及樹蔭下戶外座位,舒適寫意。咖啡店有焦糖吉士布丁、Tiramisu、布丁燒等甜品,亦有輕食如All Day Breakfast。
島中坊研地址+價錢:
6. 啡寮
店主對冰滴咖啡情有獨鍾,需先滴漏6-8小時,萃取的咖啡精華再經冰釀發酵1-2天,名符其實慢工出細貨。小店的冰滴咖啡濃醇不澀,入口順滑,還有加上椰皇、菠蘿、朱古力等配搭,咖啡控一定要試試!
啡寮地址+價錢: