2020年過了一半，到7月份又要睇睇本月精選美食優惠。今個月各間餐廳及酒店都推出不同優惠，有限時放題、$1牛扒、迪士尼樂園點心製作班、不同酒店套票等，大家要mark實呢啲jetso，提早訂位或網上購票喇！
1. 銅鑼灣炸雞Pizza放題
銅鑼灣韓式炸雞店Sodam Chicken最近推出$128炸雞放題，可以任食7款炸雞及5款Pizza，加$20更可以食勻14款炸雞/焗雞，其他主食亦有半價加配優惠，啱哂各位食肉獸！
2. 紅磡酒店$48自助早餐
紅磡逸‧酒店7月繼續推出自助早餐優惠，只需$48起就可以歎到酒店餐廳的自助早餐，可以任飲任食各款中西式早餐餐點，想食就記得先於酒店大堂購票喇～餐券數量有限，售完即止。
逸‧酒店自助早餐
地址：九龍紅磡蕪湖街83號
價錢：星期一至五$48；星期六、日及公眾假期$65
早餐時段
時段一：早上6時30分至7時40分
時段二：早上7時50分至9時
時段三：早上9時10分至10時30分
查詢：22758822 / info@hotelsav.com
詳情：FB@Hotel sáv
3. 五星級酒店$158點心放題
黃埔的九龍海逸君綽酒店最近推出期間限定點心放題，平日午市及每日下午茶時段可以$158享用90分鐘點心放題，試勻40款點心，另外每位更會送花膠瑤柱灌湯餃、芝士焗蟹蓋、富貴鮑魚撻，想食的朋友記得先在網上訂購啊！(按此訂購)
詳情：海雲天點心放題
4. 芝士ShakeShake海鮮+酒店住宿套餐
灣仔的香港諾富特世紀酒店推出29折美食住宿套餐，$798起可享雙人住宿連芝士ShakeShake海鮮袋套餐，芝士ShakeShake海鮮袋用上4款芝士，配上波士頓龍蝦、鮑魚、長腳蟹等多款海鮮。住宿套餐另外送精選紅白酒一支及免費雙人自助早餐。(按此訂購)
詳情：四式芝味海鮮餐住宿套餐
5. Red Lobster $1西冷牛扒
銅鑼灣海鮮餐廳Red Lobster今個月會推出限定$1牛扒加購優惠，指定日子只要點活龍蝦料理就可以$1優惠價換購7安士西冷牛扒。活龍蝦有不同烹飪方式選擇，包括美式蒸活龍蝦、港式避風塘炒龍蝦等。
6. 迪士尼樂園點心製作班
香港迪士尼樂園近日重開，而香港迪士尼樂園酒店的晶荷軒就推出點心製作班連午宴套餐，可以先於酒店餐廳內製作人氣角色Duffy及ShellieMay點心，午餐時間就可在餐廳內享用特色點心午宴，更有親子大小同行套票選擇。(按此訂購)
詳情：香港迪士尼酒店晶荷軒
7. 長沙灣冰室身份證優惠
長沙灣最近新開一間冰室，主打芝士火腿撈通等本地風味茶餐廳美食，新開幕期間就推出限定身份證優惠，身份證括號內有指定數字即享免費午餐或晚餐一份，而括號外有指定數字亦可享8折優惠。
8. 中環酒店住宿飲食套票
中環的香港美利酒店近日推出住宿飲食體驗套票，45折價錢可享一晚免費升級Deluxe客房的住宿、西式扒房晚餐及下午茶，另外更有8折水療護理優惠，一於同閨密朋友享受一個悠閒假期～(按此訂購)
詳情：香港美利酒店體驗套票
9. 灣仔港式西餐廳$10菜式
懷舊港式西餐廳「來佬餐館」為慶祝開業十週年，推出$10限時優惠，晚上6時後惠顧任何晚市食品，即可以優惠價$10食到法式焗田螺、脆皮乳鴿及火焰雪山等美食，每枱客人可享一次加購優惠。
10. 北角酒店住宿+餐飲套票
北角的香港維港凱悅尚萃酒店最近推出Staycation住宿獨家優惠，網上預訂套票包一晚住宿，另外送自助早餐、空中酒吧下午茶。(按此訂購)
詳情：維港凱悅尚萃酒店套票
圖片來源：FB@Sodam Chicken、FB@Hotel sáv、kkday
