長沙灣抵食港式茶餐廳扒房 $20吉列豬扒/西冷牛扒/芝士手打漢堡包

發佈: 2020.07.02
文: 黃詠恩

食肉獸有口福啦!長沙灣有間港式茶餐廳扒房「肉肉強食 by 鋒膳」新開張,最平$20就可食到鐵板宮崎吉列豬柳,西冷牛扒都只需$88,抵食又大份!茶餐廳還有手打牛肉漢堡和蕃茄焗豬扒飯等地道選擇,全都價錢親民,性價比高~餐廳用料絕不馬虎,嚴選天然草飼無激素的紐西蘭Affco牛肉和美國大草原自然豬扒,絕不用鬆肉粉醃製,讓大家食得安心。

西冷牛扒 ($88)
選用紐西蘭Affco牛肉,牛扒大大塊,肉味濃郁有咬口,淋上香濃黑椒汁,惹味但整體偏鹹。另外,只需加$18就可升級扒餐,配羅宋湯/忌廉湯、薯條/意粉/白飯、牛油餐包、甜品和熱飲。

吉列豬柳 ($20/8安士)
優惠價$20的吉列豬柳每日限量供應50份,用上日本宮崎快樂豬的偏瘦部位,炸至外層香脆,肉質爽滑有嚼勁,至適合配蒜蓉汁食,香口不油膩。豬柳特意以紅蘿蔔、西芹、洋蔥、芫荽等製成的菜汁釀製至腍滑,絕不加鬆肉粉或食粉,份外健康。

美式雜扒 ($78)
什扒餐足料大份,有齊鮮嫩厚肉的美國大草原自然豬扒、Affco牛扒,還有法國無激素雞翼、美國煙肉和法蘭克福腸仔,夠晒飽肚~

芝士漢堡包 ($48)
6oz手打牛肉漢堡扒以Affco 牛柳、西冷和肉眼攪碎而成,混合自家秘製調味料、洋蔥和蛋,肉質軟腍而且充滿肉汁,加上半融水牛芝士和鬆軟微甜的洋蔥包,食完相當滿足,有驚喜!

焗鮮茄美國自然豬扒飯 ($60)
焗豬扒飯上桌熱騰騰,酸甜蕃茄汁加上拉絲水牛芝士,充滿港式風味。

Menu:

肉肉強食 by 鋒膳
地址:長沙灣東京街31號1樓
營業時間:星期一至日 11:30am - 10:30pm
電話:2361 0031

↓【限時搶⚡】位元堂養生花茶系列!↓

↓ 選用優質草本成分!/ 無添加香料同防腐劑!↓


↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

more