中環新開素食日式拉麵店「素味謀麵」 主打超濃足料純素湯/超過20款配料供選擇!

發佈: 2020.07.10

中環一間新開的素食拉麵小店「素味謀麵」,店舖主打多款超足料的純素湯底,包括有四菇湯、鮮茄甘荀濃湯及南瓜黃椒湯,款款都好濃郁。至於麵底有獨家本土鮮製純素拉麵及烏冬,而配料有超過20款供選擇,並以車仔麵形式點單,十分方便!有時想食得健康一點就不妨考慮一下啦~

店舖以車仔麵形式點單,可先選擇純素湯底,包括有四菇湯($98)、鮮茄甘荀濃湯($88)及南瓜黃椒湯($88),湯底都是落足材料熬製而成,款款味道都很濃郁,而且是限量供應。

至於麵底就有獨家本土鮮製的純素拉麵及烏冬,麵質掛湯,十分吸引!

此外,店舖提供超過20款配料供選擇,例如有秘製溏心蛋、甜芯白蘿蔔、滷水冬菇、牛丸、山葵芝士丸、秋葵、白菜香菇木耳餃、香煎茄子片、香煎翠玉瓜 、魚腐等等,大部份都是純素食材,客人可自由選擇3款配料,加餸就每款+$8。

即睇詳細餐單啦!

至於小食有極樂雞($35)及麻香日式餃子($35),小食炸至卜卜脆,好香口!

小店座位不多,而且湯底都是限量供應,有興趣的朋友要預早時間去啦~

素味謀麵

地址:中環和安里16號

營業時間:星期一至五 12:00 - 21:00;星期六 12:00 - 16:00;星期日及公眾假期休息

聯絡電話:6378 8196

↓【免費送🎁】Patisserie Tony Wong全新花形系列蛋糕!↓

↓立即拎走3款口味:芒果椰子+朱古力紅桑莓+柚子芝麻!↓


↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

more