位於屯門市中心的 Aeon 近日裝修重開，面積超過14萬呎，佔地3層高，更有兩大日食小店進駐，逛前逛後想食拉麵定魚生飯都無問題！
shop1 誠意拉麵連鎖店
誠拉麵湯底選用超過 100 公斤豬筒骨、大腿骨及背骨等熬煮而成，配方源用日本博多傳授之方法，不像坊間會以濃縮湯包替代，非常用心。呈奶白色的湯底入口濃厚香滑，不會過於油膩。自家製秘方叉燒肥瘦適中，味道較淡，帶炙燒後焦香。
特．白豚骨拉麵 $85
豚骨湯底香濃，溏心蛋半熟效果不俗，叉燒足足有 3 片咁多，非常豐富！
黑豚骨拉麵 (午餐) $65
湯底中加入了特香黑蒜油，食落啖啖蒜香芝麻香。
shop2 日本直送魚鮮 Nakayo 食堂
主打各式魚料理，包括日式烤魚定食、海鮮丼、烤海鮮等，精選日本直送食材，魚鮮每日即切，非常新鮮。最重要是價錢親民，多款刺身丼都是介乎 $120-180 之間，已經食到海膽、鰻魚、牡丹蝦等貴價食材，CP 值高。
金槍魚三味丼 $159
內有黑椒炙燒吞拿魚、吞拿魚蓉和吞拿魚魚生片，一次過食勻 3 種風味，tuna 迷不可錯過。
The Nakaya Bowl $189
店內招牌刺身丼，以超級豐盛作招徠，內有海膽、帶子、鰻魚、三文魚等 7 款配料，鮮味十足。
鹽燒鱈魚鮫定食 $109
魚鮫共 2 大件，分量十足，魚肉尚算滑嫩，帶微微油甘香。
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
↓【限時搶⚡】Louiscocoa鳳梨啤酒口味可可即沖營養代餐奶昔！↓
↓ 首創含微量酒精代餐 / 嚴選高級可可粉 / 加水即沖即飲！↓
