大家樂 人氣下午茶誘惑登陸

大家樂 人氣下午茶誘惑登陸

發佈: 2020.07.31
文: Canice

Tea time又到喇!梗係要食返個好味嘅茶餐醒醒神啦!最近,大家樂下午茶嘅人氣流沙奶黃西多士帶埋新口味華田流心西多士返咗嚟,點只咁少選擇,餐廳仲以抵價$26推出兩款期間限定嘅滋味茶餐,並且有多款飽肚嘅精選燒味飯或粉麵供應,今個tea time快啲叫埋朋友一齊試吓喇!

 

皇牌西多士系列創意回歸

一件出色嘅西多士,外表唔單止要夠香脆,內餡仲要夠新意!大家樂經典下午茶西多士加入創意新口味,大熱嘅「流沙奶黃西多士」中間嘅流心金沙奶黃,香而不膩,熱辣香滑;而另一創新口味「華田流心西多士」,中間夾著濃郁華田流心醬,加上面層阿華田煉奶,每一口都係華田嘅滿滿香氣,夠驚喜!

愛吃香口嘢嘅你,記得去大家樂食下午茶要叫埋新出嘅「吮指脆炸雞籃」同「炸蝦漢堡茶餐」,香嫩脆口嘅炸雞必定令你食不停口;而炸蝦漢堡嘅炸蝦餅炸得香脆可口,配埋酸甜嘅千島醬汁,開胃又惹味!

流沙奶黃西多士

西多士外層金黃鬆脆,一刀切開,流心金沙奶黃隨隨流出,熱辣香滑,滋味得令人幸福感滿瀉!

 

華田流心西多士

金黃香脆嘅西多士上面有阿華田煉奶,內餡係濃濃嘅阿華田流心醬,入口有粒粒nuts咬口,配一杯香濃阿華田,滿足感爆登!

 

吮指脆炸雞籃

共有3款「脆味」小食,包括椒鹽味或避風塘味脆炸雞件、炸辣雞翼同埋香辣薯角,件件香辣惹味,令人吃完一件又一件!

 

炸蝦漢堡茶餐

炸蝦餅香脆酥化,鮮蝦味濃,酸甜千島醬更添開胃滋味;更可升級加配不同滋味小食如炸番薯條、蘋果薯仔沙律等。

 

$26超值限時優惠之選

想歎個抵食嘅下午茶?大家樂推出兩款快閃限時優惠茶餐啱晒你!和風豬扒•魚蛋日式湯烏冬配凍低糖綠茶,以日式湯烏冬配搭香煎豬扒同魚蛋,配埋凍飲都只不過$26,認真抵食!另一款係雞髀紅豆冰茶餐,可揀脆炸雞髀或豉油皇雞髀,啖啖肉嫩滋味嘅雞脾配埋粒粒紅豆冰,絕對係港式茶餐perfect match!

和風豬扒・魚蛋日式湯烏冬配凍低糖綠茶

湯頭清甜香口,豬扒肉汁juicy,魚蛋夠彈牙,$26包埋凍低糖綠茶,超值抵食!仲可以加$2轉配粒粒紅豆冰!

 

雞髀紅豆冰茶餐

絕對係大家樂經典嘅下午茶組合,無論金黃脆口嘅脆炸雞髀抑或鹹香入味嘅豉油皇雞髀,配上一杯口感十足嘅冰凍紅豆冰,足以為你叉足電!

 

足料飽肚茶餐大熱推介

有唔少朋友選擇喺tea time食晏,係唔想喺午飯時段同人逼。食遲少少輕鬆自在歎個飽肚嘅late lunch,推介大家試吓大家樂下午茶嘅燒味特餐,有燒味瀨粉或米粉、細碗叉燒飯同埋細碗滷蛋肉燥飯任你揀,每款都配即磨咖啡、茶或汽水,飽肚又美味!

 

(上至下)叉燒湯瀨粉/米粉、燒鴨湯瀨粉/米粉、細碗叉燒飯(各配即磨咖啡、茶或汽水)
大家樂下午茶燒味款式有叉燒同燒鴨,燒得火候啱啱好,香口惹味,每款足料配埋飲品都只係$30起!

 

細碗滷蛋肉燥飯配雞翼(配即磨咖啡、茶或汽水)
滷蛋入味,肉燥濃味香口,伴飯同吃,雙重滋味;配上蜜糖烤雞翼,大滿足!

 

資料來源:大家樂

↓外賣直送精選優惠↓


即時下載U Lifestyle App攞盡全城著數!

↓↓優惠、飲食資訊無限任睇!↓↓

發表食譜

推介最Hit飲食優惠
U Food
《識食優惠》
叫外賣前必睇! 立即用

為您推介最Hit飲食優惠
U Food
《識食優惠》
叫外賣前必睇! 立即用

more