中環天婦羅名店天海近日開設副線,新店位於北角屋苑商場,格局更親民,定價也比本店平足一半,百元內有交易。
新店繼續沿用中環本店的炸漿、食油、米飯、醬汁等,還原度好高,炸漿選用兩種炸粉混合,並加入冰水使脆度大大提升,質地比坊間的稀薄,能炸出薄脆口感。選油方面使用了兩款植物油混合,減少芝麻油的膩重感,米飯挑選了「日本越伊吹米」,粒粒飽滿香甜,軟硬適中,做便當、丼飯最適合。
價錢分別就相差於食材選擇,本店大多會選用日本貨和名貴食材,如日本花竹蝦、靜岡太刀魚、生蠔、鰻魚等,這間新分店選料貼地得多,像印尼虎蝦、越南軟殼蟹、鯖魚等。
最抵食是招牌天海丼,$68 已經有兩件蝦、兩件野菜、竹輪和雞肉,蝦肉口感結實彈牙,竹輪也夠厚夠有魚味。 軟殼蟹天婦羅丼一上枱就氣勢十足,原隻軟殼蟹 size 好巨,咬開滿滿都是蟹膏,味道濃香。想食得豐富就要 order 定食,附送埋沙律和前菜,天婦羅件數較多,食得更滿足。
天海家草庵
店子以白色和木系家具營造出日系感,感覺簡約舒適。
天海丼 $68
軟殼蟹天婦羅丼 $108
雞肉天丼 $78
海鮮天婦羅定食 $128
野菜天婦羅定食 $88
地址:北角和富道 21-53 號和富地庫 5758 號舖
電話:2385 5552
營業時間:11:30am-9:30pm