【外賣推介】肉食達人 x 加州快餐 聯乘外賣漢堡

肉食達人 x 加州快餐 聯乘外賣漢堡

發佈: 2020.08.25
文: U Magazine

有「肉食達人」之稱的名廚 Chef Nate Green,與加州連鎖快餐品牌 Cali-Mex 聯手推出 Burger 外賣品牌 Harley's,以多地風味及優質靚肉做定位,做出高質 burger。

Chef Nate 曾在多間米芝蓮餐廳工作,也在香港開過一間為知命的烤肉餐廳 Rhoda,現時在 Rosewood 酒店的扒房 Henry 工作,以顧問身份為 Harley's 監工。 漢堡 recipe 由 Nate Green 設計,令每個漢堡都帶有不同地方風味,好似有經典美式的煙肉配芝士、重口味的德州 BBQ 味、香辣惹味的墨西哥風,以及英國經典的 Nando 香烤口味等。身為 meat expert,主角漢堡扒當然唔會令人失望,選用質素穩定的澳洲安格斯牛肉每日手打而成,牛肉雖然較瘦但極富牛味,也加入 15% 牛脂平衡返口感和香氣,令漢堡扒牛味濃、食落 juicy 及油香兼備。不同口味的漢堡,漢堡扒調味略有不同,簡單的會只加了黑椒和鹽,有的加入洋蔥等材料,以配合不同醬汁。漢堡扒封邊鎖住肉汁後,會連芝士一同烤至 7 成熟(生熟度可應客人要求),半溶芝士的香氣超誘人,使漢堡味道更濃香。 Texas BBQ 是 Nate Green 的皇牌,漢堡裏加入了慢煮 36 小時的手撕豬肩肉,肉絲混合了自家製 BBQ 醬,當然充滿德州 BBQ 醬馳名的煙燻香,酸酸甜甜跟肉類勁夾,豬肉絲口感腍滑,食到最後帶點嚼勁,口感味道極豐富。Mexican 也超足料,底層有是厚厚的牛油果醬,加入墨西哥辣椒,溫潤口感加刺激的辣味令人食唔停口。最估唔到連雞肉漢堡都做得好食,沒有又乾又柴的弊病,使用自家製 nando 醬汁醃製超過 24 小時,烤得唔過火,肉質軟嫩又入味,食落淡淡蒜味及辣椒香;另外,也引入 Impossible Meat 製作漢堡,調味口感好像真,唔嗜牛或是吃素的都有漢堡吃。

 

Texas BBQ $128 店子人氣款式,除了有澳洲安格斯牛肉 patty,仲加入慢煮豬肉絲,BBQ 醬味道香惹帶煙燻香,整體好有層次。另加 $30 可配薯條。

Mexican $118 以牛油果醬和墨西哥辣椒做出既溫潤又刺激的味道,再配合洋蔥、生菜等,口感清爽。

Bacon Cheeseburger $108 選用澳洲牛肉每日手打成漢堡扒,混合適度的牛脂肪令口感更 juicy 軟滑。加入煎得香脆的煙肉,是經典美式漢堡風味。

Vegan Impossible $138 素食人士必試,以 Impossible 植物肉製作,肉質及調味超像真,絕對能欺騙你的味蕾。

Piri Piri Frango $98 用秘製 Nando 醬汁醃製超過 24 小時,雞肉入味軟嫩,十分 juicy。

顧問廚師 Chef Nate Green 曾在多間米芝蓮餐廳工作,也擔任過名店 22 Ships 和 Rhoda 的主廚,現任 Rosewood 酒店著名扒房 Herny,在肉類烹調上稱得上為專家。

Cali-Mex 一向做開墨西哥菜,這次與名廚 Chef Nate Green 合作推出外賣品牌,主打高質漢堡。

 

Harley's by Chef Nate Green

訂購平台:Food Panda 和 Deliveroo(港島區和部分九龍區)

送餐時間:11am - 10pm

↓↓農心微辣口味安城湯麵↓↓

最啱唔太食得辣的朋友!

推介最Hit飲食優惠
U Food
《識食優惠》
叫外賣前必睇! 立即用

為您推介最Hit飲食優惠
U Food
《識食優惠》
叫外賣前必睇! 立即用

more