text：Vera photo：Ricky edit：winnie
這間位於朗豪坊舊翠華位置的「DPD 大牌檔」，餐牌是茶記款式，格局行cafe路綫，餅廚和服務團隊也來自酒店，行政總廚更是前米芝蓮星級菜館「明閣」的廚師謝志偉師傅，格局摩登似cafe，食物仲好高質！
前明閣廚師謝師傅，曾在星馬及泰國工作，擅長運用當地香料烹調經典港式及東南亞名菜。
他炒招牌牛河做足細節，先將芽菜出水去腥，跟着煎河粉至焦香，再下足老抽、生抽、加入冰糖調煮的炸蒜頭乾葱頭豉油去抄。全程拋鑊力度充滿節奏的爆炸力，配合明火「縫縫聲」響，炒出來的河粉充滿鑊氣。泰式手打脆蝦餅也出色，純蝦肉沒溝肥豬肉，嘗出蝦肉的鮮甜，並鎖住蝦汁；外層炸衣非常薄透，酥脆不刮口。
配脆軟殼蟹的泰風咖喱也出色，咖喱下了湖北蛋和奶，添上蛋香和滑溜；炸軟殼蟹油温保持 180 度，將油分迫出，使蟹乾身酥脆。另一道海南水晶雞，以新鮮的黃薑及斑蘭葉一齊浸雞，再將雞湯煲飯，店內的飯嚴選飽滿富米味的金鳳米，加入芫茜根、泰國蒜仔和乾葱一同煲飯，原色原味幽香不油膩。
DPD 冬蔭功海鮮湯配米線 $128
泰風咖喱脆軟殼蟹 $128
大牌檔海南水晶雞 $98
金牌馬來咖喱雞扒配白飯 $78
招牌乾炒牛河 $78
泰式手打脆蝦餅 $78（4 件）
（前）朱古力紅桑莓慕絲蛋糕 $54
（後）柚子雪芳蛋糕 $54
謝志偉師傅縱橫粵菜界迄今34年，功夫紮實。
店名雖然叫大牌檔，但環境似酒店 cafe 般舒適。
DPD 大牌檔
地址：旺角砵蘭街244號遠東旺角銀行大廈地下B2-B4號舖
電話：2827 8638
營業時間：7am-8:30pm
↓【免費送🎁】微熱山丘全新造型香蕉窩夫餅乾禮盒100盒！↓
↓ 進駐香港十週年大贈送│送埋香港獨家限量版布袋～↓
↓【限時搶⚡】Louiscocoa鳳梨啤酒口味可可即沖營養代餐奶昔！↓
↓ 首創含微量酒精代餐 / 嚴選高級可可粉 / 加水即沖即飲！↓
