【超級單車徑】新單車徑正式開放!由屯門到馬鞍山美食懶人包2020 上水村屋Cafe/大埔湖景下午茶/元朗水泥風Cafe

新單車徑正式開放!由屯門到馬鞍山美食懶人包2020 上水村屋Cafe/大埔湖景下午茶/元朗水泥風Cafe

發佈: 2020.09.29
文: Amber Li

秋天最啱約埋朋友踩單車,一邊欣賞沿途風景,再順道到附近掃街!除了大圍至大尾篤這些單車路線外,連接新界東西的超級單車徑今個9月尾開通,單車徑網絡橫跨新界各個地點,由屯門至馬鞍山,途經元朗、上水、粉嶺、沙田、大圍。今次就為大家整理了屯馬單車徑美食懶人包,推薦各地區單車徑附近的美食,由大西北一路食到新界東~

單車版屯馬綫「新界單車徑網絡」現已開通,由屯門及元朗連接上水及大埔,再入沙田及馬鞍山,單車徑路段全長約60公里,踩勻全條路線約需6小時。屯門至元朗及上水至馬鞍山路段經已落成,而連接元朗至上水的一段單車徑亦已於9月29日正式完工並開放。

單車徑各路段設單車匯合中心,提供單車租賃站、單車停泊站、急救站、小食亭、洗手間等設施,鄰近港鐵站,方便大家集合及解散。

單車徑其他泊車地點可參閱政府單車資訊中心

 

單車徑地圖:

新界單車徑網絡由屯門經元朗、上水、粉嶺、大埔、沙田到馬鞍山,踩足半日當然要停低食下嘢醫肚,一齊睇睇單車徑各個地點附近有咩食啦!

 

ckeditor-inline-image-img第一站 屯門

屯門除了可以去黃金海岸酒店度假歎buffet外,區內亦有不同宵夜掃街場、打卡cafe及知名食店,如主打煲仔飯的fusion居酒屋、足料花膠車仔麵等,更有藏身於佛堂內的Cafe!

 

ckeditor-inline-image-img第二站 天水圍

去天水圍除了可以濕地公園觀鳥,或到屏山文物徑來個歷史文化之旅外,其實天水圍亦有不少必試美食!有麻辣酸菜魚、日式甜品店、新加坡喇沙、手工麵等,全部都是區內的人氣食肆。

 

ckeditor-inline-image-img第三站 元朗

元朗有不少掃街美食選擇,除了有元朗夜市「木頭車」可以食勻不同款式的宵夜外,其實區內還有不同高質小店,有即撈海鮮放題、水泥風Cafe、台式吐司等,元朗唔係得宵夜出名!

 

ckeditor-inline-image-img第四站 上水

上水除了去廖萬石堂外,亦有不少「全港最北」的餐廳美食選擇,有村屋Cafe、人氣濃湯米線、創意雞蛋仔等,連繼光香香雞最近都在上水開設全球首間滷味店!

 

ckeditor-inline-image-img第五站 粉嶺

粉嶺有不同美食選擇,可以到聯和墟掃街,食秘製炸壽司、串燒冰粉;亦可到Cafe可以休閒坐一個下午,有由前粉嶺裁判法院改建而成的純白咖啡店、工廈玩味Cafe,超適合打卡。

 

ckeditor-inline-image-img第六站 大埔

大埔除了可以入大尾篤BBQ或到大埔墟熟食中心掃街外,其實附近亦有不少打卡美食選擇。可以到大學站附近的白鷺湖湖邊小屋餐廳歎下午茶,亦可到林村露天木屋食西餐;大埔市區內更有不同美食選擇,如海鮮丼飯、手工意粉、素食Cafe等。

 

ckeditor-inline-image-img第七站 大圍

大圍站除了美食廣場「搵食市集」外,周邊還有不同餐廳小食店,有蛋吐司、手工麵包、甜品、手撕雞等人氣美食,間間都十分受街坊歡迎!

 

ckeditor-inline-image-img第八站 沙田

沙田新城市廣場除了不同大型連鎖餐廳及過江龍外,亦有不同其他美食選擇,有台式餐廳、創意點心等。附近更有文化博物館,可以參觀完再到樓下的牧羊少年Cafe歎西式美食!

 

ckeditor-inline-image-img第九站 馬鞍山

隨著愈來愈多人氣食肆進駐MOSTown後,馬鞍山成功退下「美食沙漠」的王位,新港城中心位於馬鞍山站,交通方便,而且有不少誠意小店,如手工製麵包Cafe、雲石茶飲、特色甜品等等。

 

單車徑未來更會延伸至荃灣,由屯門經深井入荃灣,預計將於2020/21年完成。新界區的朋友今個秋天不妨約埋朋友去踩單車啦~

【超級單車徑】新單車徑正式開放!由屯門到馬鞍山美食懶人包2020 上水村屋Cafe/大埔湖景下午茶/元朗水泥風Cafe

↓↓農心微辣口味安城湯麵↓↓

最啱唔太食得辣的朋友!

推介最Hit飲食優惠
U Food
《識食優惠》
叫外賣前必睇! 立即用

為您推介最Hit飲食優惠
U Food
《識食優惠》
叫外賣前必睇! 立即用

more