盤點日本4間排隊神級美食 天使麵包／牛肉可樂餅要出世等到成年！

為咗一間想食的餐廳，你願意等幾耐？香港不少食店經常大排長龍，特別是過江龍，如Sukiya、壽司郎等。壽司郎walkin可能要等超過一、兩小時才食到，就算訂位都要等2個月。不過香港壽司郎都未算誇張，日本就有食店要等足18年先食到，究竟係咩神級美食咁巴閉？

平時等位最多都係等一兩個鐘，但日本卻有多間食店的等待時間以年計算。日本節目《マツコ&有吉 かりそめ天国》早前就曾介紹4個要提早N年預訂的美食，一齊睇睇點解呢幾款美食會有人願意等幾年都要食到啦～

↓點擊圖片放大↓

+3

+2

Tareya 可頌餃子 ─ 1-2年

這間位於香川縣的Tareya(たれ屋)要等待超過一年才食到。餃子選用北海道十勝野豬肉，只用特選里肌肉及腿肉部位，配上糖度8至10度的椰菜，內餡鮮甜；Tareya的餃子外皮香脆，就像牛角的一樣酥脆，所以又名為「可頌餃子」(クロワッサン餃子)。

Tareya的餃子由餡料到外皮，甚至醬料都十分講究，而且製作過程繁複，所以要等待1年以上才食到！

↓點擊圖片放大↓

Masa 高級壽司店 ─ 8年

這間位於東京新橋的すし処 まさ主打壽司Omakase，老闆每日用不同新鮮食材製作壽司料理，店內只有3個座位，每日只招待2組客人，現時訂位已訂到2028年！

Gateau d'ange 天使麵包 ─ 17年以上

北鐮倉這間Gateau d'ange(天使のパン)主打手作麵包，店主本來是位單車手，但因意外而做成全身癱瘓，最後奇蹟般康復，開設麵包店，想為其他人帶來力量。

招牌天使大納言麵包用上十勝大納言小豆、牛奶及綠茶等製作，由於每個麵包製作需時，所以一天只能做到4個。另外亦有其他蛋糕甜品，如伯爵茶白蘭地蛋糕、年輪蛋糕等。由於訂單十分多，店家更說不知要等多久，預計最少要等待17年才能吃到！

↓點擊圖片放大↓

+2

旭屋家 可樂餅 ─ 18年

神戶這間旭屋家主打神戶牛肉，除了售賣不同牛肉部位外，店家還有製作不同神戶牛美食。其中一款頂級可樂餅「神戸ビーフコロッケ 極み」就用了A5級3歲母牛製作，現在要等18年才可以食得到！店內亦有其他等級的牛肉可樂餅，不過等候時間仍需1-4個月。

↓點擊圖片放大↓

圖片來源：テレビ朝日《マツコ&有吉 かりそめ天国》、TAREYA、Gateau d'ange、旭屋