九龍灣搵食攻略- 有優惠再加超過40個餐飲選擇!

發佈: 2020.09.18
文: U Food

你係咪同我一樣每日花最多時間思考嘅就係去邊度食飯?最近食飯必去嘅一定係九龍灣啦!因為開咗好多新餐廳,台、星馬、港式咩都有,有超過40個餐飲選擇畀大家慢慢揀,而且仲有好多優惠,下面就精選咗其中3間 新餐廳推介同詳細優惠,睇完就約食飯啦!

 

新食點一:「Foodeli」一次過食盡十款口味

新開嘅「Foodeli」雲集咗十間嚟自本地同海外嘅人氣餐飲品牌,當中包括首次喺香港登場嘅炸雞脾專門店「Chicken 852」同港式點心 「占士包點」之外,仲有韓國烤肉輕食「濟州燒肉食堂」、人氣韓食專門店「School Food Blooming Mari」、日式漢堡「MOS Burger Express」、香港製鵝老字號「棋子燒鵝」、健康小炒「千味家健康食堂」、香港經典味道「江仔記粉麵專家」、重慶地道家鄉手藝「山城小麵」同濃濃黑胡椒香「Pepper Lunch Express」,咁多選擇,叫埋朋友一齊去,食晒唔同口味都冇問題呀!

 

重點推介:

濟州燒肉食堂

以創新技巧加上傳統嘅韓國風味,網燒烤肉不單可以鎖住肉汁同時亦能減低油膩感,入口更加清爽,再加埋酸甜爽口嘅泡菜,完全令你一改對韓國輕食嘅原有印象!

 

Chicken 852

九龍灣搵食攻略- 有優惠再加超過40個餐飲選擇!

鬆脆香口嘅炸雞髀加埋鹹蛋黃醬再灑上蛋黃碎,真係又幸福又邪惡,點忍到口呀!

 

江仔記粉麵專家

九龍灣搵食攻略- 有優惠再加超過40個餐飲選擇!

唔好睇少魚蛋粉呀,江仔記喺香港自設魚蛋工場,堅持每日新鮮製造,魚蛋清爽彈牙,配上祖傳秘方豬骨餚製高湯,同自家秘制辣椒油,帶俾你一碗與別不同嘅魚蛋粉!

 

山城小麵

嚟自四川嘅「山城小麵」主打重慶地道麵食,自家調製辣椒油有成15款香料炮製而成,啱晒無辣不歡嘅朋友呀!當中必試四川傳統特色麻辣名物 - 「燃情刀削麵」、「正宗辣辣粉」、「渝港擔擔麵」同加入新派口味嘅「山城牛肉麵」、「紅燒肥腸麵」!


Foodeli

地點:九龍灣德福廣場2期 5 樓 501B 號舖



新食點二:「犇殿」古早味台灣火鍋

九龍灣搵食攻略- 有優惠再加超過40個餐飲選擇!

仲未有得去台灣旅行,掛住台灣味道,去主打古早味台灣火鍋放題嘅「犇殿」就幫到你啦!除咗台灣直送火鍋配料之外,仲有地道夜市小食、精選海鮮同飲品等等,午市60分鐘火鍋定量套餐都只係由$88起,價錢超級大眾化,一人一鍋超爽呀!

犇殿

地點:九龍灣德福廣場1期F1號舖



新食點三:99 分海南雞飯專門店「亞參雞飯」

九龍灣搵食攻略- 有優惠再加超過40個餐飲選擇!

揉合馬來西亞、新加坡地道風格,標榜「尋覓 99 分海南雞飯」嘅「亞參雞飯」最新分店已經登陸德福廣場,皇牌推介「亞參去骨海南雞飯」用上100 日肉質嫩滑嘅三黃雞秘製,加埋吸盡雞湯精華嘅金鳳米,雞肉入口超嫩滑、飯雞香超濃,食過就知絕對有99分!另外大家亦必試用慢火熬製兩小時嘅「亞參豬手」同飛機空運直送新鮮口感嘅「馬拉盞怡保芽菜」,保證冇介紹錯!

亞參雞飯

地點:九龍灣德福廣場 1 期 G102 號舖

 

其實除咗新開嘅3大餐廳外,本身商場都有好多唔同選擇,你實揀到你鍾意囓菜式呀!

同場加映:香港限定 職人配方「大門食堂」

一啖入口濃厚美味嘅拉麵,足夠令人回味幾日呀!「大門食堂」的主打為湯麵、沾麵同油麵,秘製湯底都由日本直送香港,另外大部份時令食材亦來自日本,而且「大門濃厚拉麵」係香港限定,用上職人配方,以大量豚骨、雞肉及魚介炮製,真係一試難忘呀!而家去唔到日本,都可以嘆返碗正宗日本拉麵過吓癮先啦!

大門食堂

地點:九龍福廣場2期4樓410 - 412號舖



同場加映:超人氣荳子咖啡Beans

九龍灣搵食攻略- 有優惠再加超過40個餐飲選擇!

放假日子,梗係要放慢腳步,約埋朋友Chill吓啦!一向主打咖啡、甜品及輕食嘅人氣Cafe荳子咖啡Beans,由開業到而家,都成日大排長龍,證明食物絕對好食有實力!必點All Day Breakfast賣相精美可以打卡之餘又大份,煙三文魚、黑松露炒蛋加埋超鬆軟冬甩再配上美式咖啡一杯,相信幾時食都咁滿足!

Beans

地點:九龍灣德福廣場1期P39A號舖



日日有賞:食飯請睇戲!Shopping送現金券

九龍灣搵食攻略- 有優惠再加超過40個餐飲選擇!

由即日起至10月15日,逢星一至四(公眾假除外)晚上 6時後,喺三大港鐵商場(包括德福廣場、青衣城及PopCorn)指定食肆堂食消費滿HK$300 ,即可換領HK$50港鐵商場餐飲禮券乙張或者HK$60電影禮券乙張(電影禮券換領只適用於德福廣場及 PopCorn)!

 

另外,由即日起至10月11日起去德福廣場、青衣城同PopCorn 買嘢,喺商場內指定商戶累積消費滿HK$1,500,即送HK$200港鐵商場現金券,包括HK$100時裝、美容類別同HK$100鐘錶/首飾/電器用品/電訊類別,大家邊買、邊食仲睇埋戲,都仲有獎賞同慳到錢!今個星期仲唔plan去德福廣場行吓?

詳情:https://www.telford-plaza.com/tch/tp/promotion/list
 

以上資料由德福廣場提供。

↓【限時搶⚡】MG Spirit西班牙清新水果酒!↓

↓ 獨特微醺體驗 / 西班牙釀製 / 天然新鮮果汁混合5.5%酒精伏特加!↓


↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

more