【銅鑼灣Cafe】寵物友善餐廳!銅鑼灣新開花花打卡Cafe「白房子」 人氣芫茜意粉/超濃郁芝士班戟/牛奶曲奇杯子

寵物友善餐廳!銅鑼灣新開花花打卡Cafe「白房子」 人氣芫茜意粉/超濃郁芝士班戟/牛奶曲奇杯子

發佈: 2020.10.13
文: Rachel Cheung

銅鑼灣一間新開Cafe「白房子」,店舖環境舒適,到處擺滿花草植物,打卡一流!食物方面,Cafe提供多款主食及輕食料理,有勁多芫茜的香蒜意粉、超濃郁芝士班戟、牛奶曲奇杯子等特色餐飲,款款賣相都好吸引,睇得又食得~加上店舖是寵物友善餐廳,帶埋貓貓狗狗一齊來影相都不錯!

Cafe環境舒適,裝潢以白色作主調,到處都擺滿花草植物之餘,還設有花花牆供客人影相打卡,而且店舖已完成擴建工程,相信可以提供更多空間及座位。

至於食物方面,有人氣香蒜芫茜意粉($82),意粉加入了超多芫茜粒,食落香氣濃郁,芫茜迷必試!

主食亦有紫醉金迷($158),用上新鮮紫椰菜及忌廉製造意大利飯,再配上芝士香草蒜茸大蝦及清酒藍青口,誠意十足!加上旁邊放滿食用花,賣相超精美~還有二重奏忌廉煙肉芝士貓耳朵($83),用上3款芝士,芝士及忌廉味超濃郁,貓耳朵意粉口感彈牙,值得一試。

芝士控也可以試試芝士熱香餅配牛奶炒滑蛋及煙肉($89),熱香餅上的芝士份量十足,滿足芝士迷食落啖啖芝士!輕食料理還有白房子生日蛋糕($118),用班戟、炒蛋、煙肉、蔬菜等材料組成蛋糕的賣相。

至於飲品有好特別的曲奇杯子($58),飲完牛奶可以將杯子食落肚,做下午茶一流!還有蜂蜜牛油果香蕉Smoothie($58)、蝶豆花綠茶($45)、焦糖朱古力($45)等等。

白房子

地址:銅鑼灣謝斐道508號聯成商業中心15樓1501室

營業時間:星期日至四 12:00 - 22:20,星期五及六 12:00 - 23:00(星期二休息)

建議預先訂座:+852 9149 4360(Whatsapp)

白房子
必試: 香蒜芫茜意粉
賣相: 紫醉金迷旁邊放滿食用花,賣相超精美
服務: 屬於寵物友善餐廳
環境: 設有超美打卡花花牆
可改善: 座位不多

↓↓農心微辣口味安城湯麵↓↓

最啱唔太食得辣的朋友!

零難度超簡易食譜
U Food
《簡易廚房Lite》
每晚三餸一湯?So Easy! 立即用

零難度超簡易食譜
U Food
《簡易廚房Lite》
每晚三餸一湯?So Easy! 立即用

more