真係賺到?黃牛黨轉行炒餐廳飛 網上平台驚現炒賣壽司郎/牛大人訂位籌號

發佈: 2020.10.19
文: 李欣怡

iPhone、演唱會飛炒黃牛就經常見,不過原來餐廳booking都有得炒?迴轉壽司Sushiro壽司郎開幕一年來,不時有人在網上或分店門口出售walk in排隊飛或是book位籌號。最近不只壽司郎,連另一人氣火鍋店「牛大人」亦被黃牛黨睇中,在網上出售其預約籌號。

日本平價迴轉壽司Sushiro壽司郎去年登陸香港,至今在港已有5間分店,不過每間分店仍然大排長龍,甚至未開店就已有不少人等位。早前就有網民發現有人在網上拍賣平台炒賣轉售壽司郎walk in排隊籌號,一張飛$20-$60。同時亦有不少用戶徵收訂位籌號,讓賣家出價。

網上更出現為客人訂位的服務,可以幫客人搶心水時段的booking,每張飛$30,不過就連這個booking服務都「full booking」,十分誇張。

而壽司郎亦再重申必須使用官方APP來進行預約,入座前需出示APP的預約畫面才能入座,使用截圖照片均無法入座。

不只壽司郎,最近連另一人氣台式放題火鍋店「牛大人」都同樣被黃牛黨睇中!牛大人自開業來人氣爆登,早前官方開放網上訂位,不過又引來黃牛訂位轉售,令不少真正想食的客人崩潰。有人更在Facebook群組放售booking,結果引來網民一片罵聲。

對於壽司郎及牛大人出現炒賣黃牛飛情況,網民都有不同意見,一齊睇睇網民回應:

大家又點睇?

資料及圖片來源:FB@牛大人 Master BeefFB@Sushiro HK 香港壽司郎FB@香港自助餐夾食集中討論區Carousell

↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓


↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

more