酸種Pizza店 創新水煮牛肉味+爆餡冬甩

發佈: 2020.10.19
文: U Magazine

這家開在紅磡區的 Pizza 店由幾位香港後生仔主理,但質素同外國人主理的有得揮,餅底用上酸種麵糰製作,口感即時大大升級!

店子將自家配方的酸種麵糰交由烘焙工場代工,每日新鮮運到店內,再進行第二次發酵,使有足夠麵筋令餅底帶煙韌口感。麵糰烤熟後,表面香脆,內裏鬆軟,加上微酸的特色,更能中和肉類配料的膩感。

食肉獸必點招牌「Pizza Day」,以特製香草番茄醬做底,放上辣肉腸、西班牙香腸、自製牛肉丸、煙肉等配料,食落啖啖肉。鍾意創新的,不妨試下水煮牛口味,茄醬特別調成香辣口味,再加入花椒油、自家醃辣椒、肥牛、芫茜等,帶淡淡麻香。

最後,仲可以試埋即製冬甩,麵糰、餡料都是自家配方,冬甩炸得鬆軟,餡料共 6 款口味,如宇治抹茶、Nutella、鹹蛋奶黃、士多啤梨、奶醬及咖啡,款款爆餡香甜。

 

水煮牛肉 Pizza $98

在 pizza 上加入花椒油、自家醃辣椒、肥牛、芫茜等,口感較濕,但味道特別,微辣帶淡淡麻香。 

 

【紅磡美食】酸種Pizza店  創新水煮牛肉味+爆餡冬甩

Pizza Day $108 

超足料招牌 pizza,有多款肉類配料,像辣肉腸、西班牙香腸等,味道濃香,餅底香脆帶有咬口,微酸口味與肉類好夾。 

 

【紅磡美食】酸種Pizza店  創新水煮牛肉味+爆餡冬甩

松露磨菇 Pizza $118 

以松露醬取代番茄醬,味道濃郁,富菌類獨特香氣。每款 pizza 額外配有香蒜醬,食到得返 pizza 邊就可以配著吃。

 

泡菜Pizza $88 

加入炒香過的泡菜和醃製泡菜,酸辣得有層次。

 

【紅磡美食】酸種Pizza店  創新水煮牛肉味+爆餡冬甩

西班牙炸煙肉球 $38 

薯蓉球中加入粒粒煙肉碎,口感香脆軟滑,配上西班牙青醬更濃香。

【紅磡美食】酸種Pizza店  創新水煮牛肉味+爆餡冬甩

即製冬甩 $25/個、$60/ 3 個 

共6款口味,個人最推香濃creamy的鹹蛋奶黃及清新的士多啤梨果醬味。

薄餅地

地址:紅磡鶴園街12號地下2號舖

電話:6188 7951

營業時間:12nn-10pm

↓【送機票✈️】分享旅行靚相 贏免費機票↓

↓ 請您免費飛轉日/韓/泰!↓


↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

more