這家開在紅磡區的 Pizza 店由幾位香港後生仔主理，但質素同外國人主理的有得揮，餅底用上酸種麵糰製作，口感即時大大升級！
店子將自家配方的酸種麵糰交由烘焙工場代工，每日新鮮運到店內，再進行第二次發酵，使有足夠麵筋令餅底帶煙韌口感。麵糰烤熟後，表面香脆，內裏鬆軟，加上微酸的特色，更能中和肉類配料的膩感。
食肉獸必點招牌「Pizza Day」，以特製香草番茄醬做底，放上辣肉腸、西班牙香腸、自製牛肉丸、煙肉等配料，食落啖啖肉。鍾意創新的，不妨試下水煮牛口味，茄醬特別調成香辣口味，再加入花椒油、自家醃辣椒、肥牛、芫茜等，帶淡淡麻香。
最後，仲可以試埋即製冬甩，麵糰、餡料都是自家配方，冬甩炸得鬆軟，餡料共 6 款口味，如宇治抹茶、Nutella、鹹蛋奶黃、士多啤梨、奶醬及咖啡，款款爆餡香甜。
水煮牛肉 Pizza $98
在 pizza 上加入花椒油、自家醃辣椒、肥牛、芫茜等，口感較濕，但味道特別，微辣帶淡淡麻香。
Pizza Day $108
超足料招牌 pizza，有多款肉類配料，像辣肉腸、西班牙香腸等，味道濃香，餅底香脆帶有咬口，微酸口味與肉類好夾。
松露磨菇 Pizza $118
以松露醬取代番茄醬，味道濃郁，富菌類獨特香氣。每款 pizza 額外配有香蒜醬，食到得返 pizza 邊就可以配著吃。
泡菜Pizza $88
加入炒香過的泡菜和醃製泡菜，酸辣得有層次。
西班牙炸煙肉球 $38
薯蓉球中加入粒粒煙肉碎，口感香脆軟滑，配上西班牙青醬更濃香。
即製冬甩 $25/個、$60/ 3 個
共6款口味，個人最推香濃creamy的鹹蛋奶黃及清新的士多啤梨果醬味。
薄餅地
地址：紅磡鶴園街12號地下2號舖
電話：6188 7951
營業時間：12nn-10pm
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
↓【必收藏】最新深圳食買玩攻略！↓
↓ 大灣區一小時生活圈！最新打卡熱點／熱門美食等！↓
