上海餐館夏麵館大閘蟹放題 100分鐘任食蟹粉菜/大閘蟹

發佈: 2020.11.02
文: U Magazine

大閘蟹是上海名物,搭配滬菜食就味道最對勁。這間上海餐館推出的「至尊大閘蟹盛宴」,在網上訂座訂位仲有超級大折口,每位由 $699 減到 $358,畀大家在 100 分鐘內擦大閘蟹,記者計過吃到 5 隻蟹已經輕鬆回本!套餐還包括涼菜、小炒、蟹粉菜品共 6 款菜式,夠晒豐富。

任食大閘蟹獨沽一味清蒸應市,但食客卻可選蟹公乸,公蟹約 4 両,蟹乸則約重 3 両,扳開蟹蓋,已經見到厚厚一層的蟹黃,色澤橙紅,食落帶濃濃蛋黃香,質素唔錯。雌蟹蟹身較細,但都有肉食,只是蟹腳比較瘦。雖然未到公蟹賞味月份,但這裏的公蟹都唔太瘦,蟹膏分量都令人滿意。

套餐內蟹粉菜水準也不錯,每人 2 隻的蟹粉小籠包好評如潮,小籠包咬開有豐富蟹王湯汁,帶鮮甜豬肉香之外,額外添了一份蟹膏的鮮甜濃郁。蟹粉扒芥蘭有驚喜,蟹粉十足,當中更加入新鮮蟹肉一同炒香,啖啖都係蟹。套餐仲包一道涼菜和小炒,由入廚 30 多年的上海師傅主理,涼菜 6 選 1,有糖醋小排、虎皮素鵝、口水雞等,推介花雕醉雞,用 8 年花雕酒浸泡 10 小時以上,香甜又入味,選用脂肪少,肉質結實且滑的草雞。小炒則是 4 選 1,全是經典川滬菜式,糖醋魚、麻婆豆腐、回鍋肉及賽磅蟹,套餐以一碗自家手打的陽春麵和薑茶湯圓作結,解解吃蟹的寒氣。

「至尊大閘雙蟹」盛宴 + 大閘蟹放題 優惠價 $358 位(兩位起)

 

【大閘蟹2020】上海餐館夏麵館大閘蟹放題 100分鐘任食蟹粉菜/大閘蟹

夏麵館推出的大閘蟹套餐保持高性價比,網上訂座仲有折扣。

夏麵館

地址:樂富聯合道 198 號樂富廣場 3 樓 3125-3126 舖、荃灣沙咀道 328 號寶石大廈地下 12-15 號舖

電話:2337 1082(樂富店)、2448 3608(荃灣店)

供應期:即日至2020年12月13日

備註:1. 原價 $699 位,經https://bit.ly/3nx3QAH網上訂座可享優惠價 $358 位2. 套餐兩位起,另每位設服務費 $69 及茶芥 $4

3. 任食套餐只適用於樂富及荃灣分店

↓【限時搶⚡】日清盈優青汁套裝!↓

↓ 日本製造 / 2款口味:清爽蘋果味、濃厚白桃味!


↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

more