來到秋天當然要食大閘蟹啦!銅鑼灣一人蒸氣粥底火鍋店「船渦」就推出了季節限定大閘蟹套餐,套餐包有2隻約重4兩半的大閘蟹(1公1母)、鮑魚、元貝、蝦、鮮魚片等8款海鮮,食完海鮮可選擇粥底火鍋,或者加魚湯湯底打邊爐食安格斯牛肉及爆汁牛丸等丸類,店舖更提供大閘蟹外賣優惠,立即睇下優惠詳情啦~
店舖由即日起至12月中推出「橫行無忌套餐$398」,套餐包有2隻約重4兩半的大閘蟹(1公1母),大閘蟹蟹肉扎實,超多蟹膏,食落香濃又creamy!
除了大閘蟹之外,套餐亦包有鮑魚、元貝、蝦、鮮魚片等8款時令海鮮,海鮮款款都好新鮮,鮮甜又彈牙!
食完海鮮可選擇粥底火鍋,或者加鮮甜魚湯湯底打邊爐,食套餐包有的安格斯牛肉、豚肉片、爆汁牛丸、彈牙墨魚丸、貢丸、蔬菜拼盤及麵底,十分滿足。
另外,客人可於指定套餐將半隻肉蟹加$48改為一隻大閘蟹公或加$58改為大閘蟹母,食完套餐更可用優惠價購買大閘蟹:大閘蟹公$68及大閘蟹母$78(每人限購兩隻,只限外賣)。
船渦
地址:銅鑼灣謝斐道500號維安商業大廈3樓
營業時間:12:00 - 17:00;18:00 - 23:30
聯絡電話:2885 0268
WhatsApp : 6560 3340