屯門後巷章魚燒店「屯の大阪章魚燒」聲名遠播,屬區內人氣食店,經常大排長龍,可惜 2018 年結業,令一眾街坊熟客非常惋惜。最近店子於葵廣重開,由 2 位後生仔阿 Nick 和阿毅接手,他們原是「屯の大阪章魚燒」的熟客,因為覺得名物失傳太可惜,於是向前店主拜師,再為街坊帶來正宗日本風味章魚燒。
新店沿用舊店配方,每日新鮮即製麵糊、以泰國及日本大蛋入饌、章魚粒及秘製醬汁的分量都跟屯門時一樣。坊間港式章魚燒大都偏硬身,這裏源用大阪做法,即叫即製,食落外微脆,內軟嫩,大粒彈牙,配上自家製燒汁、蛋黃醬、木魚碎和海苔粉,食落充滿日式風味,難怪日賣高達 300 份!
章魚燒有 9 款口味,當中 5 至 6 款是新口味,如明太子、黑松露、鹹蛋黃、芝士脆脆等,特別推介明太子,選用日本空運到港明太子,鹹香味濃,非常足料;另外鹹蛋黃金流沙口味則用上原隻鹹蛋黃磨成粉漿,再製成醬汁淋上頂層,味道超濃郁,勁邪惡!非常有 gimmick 的還有火炙熔岩芝士脆脆,選用橙車打芝士,再微微炙燒,然後灑上火炙熔岩脆片,口感豐富,層次 double up!
屯の大阪章魚燒
地址:葵芳葵富路 7 號葵涌廣場 3 樓摩登世界 1 號舖
電話:從缺
營業時間:12nn-10:30pm