$388 起大閘蟹放題 蟹料理 + 台式小食

發佈: 2020.11.16
文: U Magazine

位於九龍城的人氣台式餐廳「等等 Hea」新推大閘蟹放題,最平 $388 起,可任食大閘蟹及多款蟹料理、台式小食和甜品,供應以來都幾有口碑。

人氣台式餐廳新推大閘蟹放題,最平 $388 起任食大閘蟹及多款台式小食和甜品。

【九龍城美食】$388 起大閘蟹放題  蟹料理 + 台式小食

大閘蟹分 3 至 6 両及按公乸收費,最平 $388 起。

任食的菜式都是剔紙仔落單,上菜起計歎足 88 分鐘。餐廳選用江蘇大閘蟹,蟹幾大隻視乎收費,最少都有 3 至 4 兩。開過幾隻,發現都爆多蟹膏,入口幾甘香綿滑。

作為蟹迷,只係任食大閘蟹又邊夠喉?放題仲包多款蟹料理,包括生滾大閘蟹粥、台式腸蟹粉糯米飯、一口蟹粉鴨血、蟹粉水餃等,全部即叫即製,蟹味濃濃。作為一間台式餐廳,當然有台灣特色小食和甜品,任食包括 8 款台食,如蚵仔滷肉飯、士林鹽酥雞、原條厚燒鰻魚、薑茶芋圓、黑糖珍珠系列、芝士奶蓋和台式芋圓綿綿冰,喜歡飲酒的話,除了青島啤酒任飲外,加 $38 任飲話梅花雕王。

餐廳更特別推出幸運大輪盤抽獎活動,可贏取豐富獎品,記得玩埋先走!

餐廳走文青風格,牆上掛上特色語句,增加趣味感。

等等 Hea

地址:九龍城福佬村道 41 號地下

電造話:2383 1766

營業時間:11am-11:45pm

放題收費:1. 約3両-4両大閘蟹公+約3両蟹乸 10pm前成人$388 、10pm 後成人$358;2. 約 4 両 5 両大閘蟹公+約 3 両半蟹乸 10pm前成人 $498、10pm 後成人$458;約 5 両- 6 両大閘蟹公+約 4 両蟹乸 10pm前 成人 $608 、10pm後成人$568

註:訂座 $498 大閘蟹放題,每兩位即可參加一次幸運輪盤抽獎,折扣包括免費小食、人頭費折扣或免人頭費!

↓【送機票✈️】分享旅行靚相 贏免費機票↓

↓ 請您免費飛轉日/韓/泰!↓


↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

more