3間新加入少鹽少糖食店!以時令蔬果入饌

發佈: 2020.11.20
文: U Food

相信大家日常都會出街食飯,但喺出面食嘢好多時都會落好多調味料,特別係鹽同糖。長期攝取過量鹽,會增加心血管病同腎病嘅風險,而食得多糖就會導致超重同肥胖,肥胖同糖尿病係息息相關嘅,亦係多種慢性疾病嘅主要風險因素。越來越多香港人了解到健康飲食嘅重要,出街食飯嘅時候都會小心篩選。以下就推介3間新加入少鹽少糖食店計劃嘅食肆畀大家,齊齊實踐健康飲食生活!

為咗推動全城減鹽減糖新飲食文化,食物及衞生局、食物環境衞生署食物安全中心及降低食物中鹽和糖委員會近年合力展開一系列以「全城減鹽減糖」為主題嘅活動,其中之一就係少鹽少糖食店計劃,哩個計劃係推動食肆為顧客提供少鹽少糖嘅選擇或者特設少鹽少糖菜式,希望大家感受到減鹽減糖唔等於「淡而無味」,用啱材料同煮法一樣可以好好食好健康~最近喜喜冰室、喜樂餐飲.教室同Youni就加入成為少鹽少糖食店,以時令蔬果入饌作為天然嘅調味料,帶畀大家更多清新菜式!

 

1.) 復古味濃─喜喜冰室

喜喜冰室設計上仿照舊冰室,供應多款茶餐廳美食,而店入面仲有唔少古董擺設,裝潢勁有香港特色,入到去就好似時光倒流到上世紀。除咗裝修,更吸引嘅就梗係食物。喜喜冰室特別設計咗幾款少鹽少糖菜式,試完大家一定回味無窮!

「無肉浮台」

其實係「雞批浮台」變奏版,但係做嘅時候就用少咗大概三份一嘅鹽,再用上白菌、馬鈴薯、洋蔥、粟米、甘筍嘅天然食材增加味道,以青豆、乾綠豆同咖喱香料烹煮攪拌而成,咖喱帶出雜菜嘅味道,同湯一齊食,更能夠中和焗批嘅油膩感。

3間新加入少鹽少糖食店!以時令蔬果入饌

蕉醬厚多士

傳統嘅奶醬多絕對係港式茶餐嘅經典,但係因為佢糖份高,注重健康嘅一族往往會卻步。今次次喜喜冰室用切片香蕉取代原用嘅煉奶作為天然甜味,唔再額外落砂糖,係各位愛好港式茶餐朋友嘅喜訊。

3間新加入少鹽少糖食店!以時令蔬果入饌

牛油果烚蛋三文治

無須油煎,比以往少四份一鹽,選用「超級食物」牛油果,喺味道同感覺上都更健康。

 

地址:香港銅鑼灣Fashion Walk百德新街57號地下C&D號舖

 

2.) 社企模式經營─喜樂餐飲‧冰室

喜樂餐飲教室以社會企業模式經營,主要為智障人仕提供飲食就業同培訓機會, 令佢地融入社會,自力更新。喜樂餐飲教室咁有心,一定好關心食客嘅健康。以下就係佢哋嘅少鹽少糖推介。

南瓜肉碎蒸蛋

將南瓜蒸淋打溶,加入蛋液,利用南瓜天然嘅香甜帶出蒸蛋濃郁嘅鮮味,比一般嘅烹調方法足足可以減少一半鹽同糖,既創新又健康。

3間新加入少鹽少糖食店!以時令蔬果入饌

蒜茸粉絲杞子蒸魚柳

蒜茸粉絲係海鮮嘅絕配,但如果調味落得太多,唔單只蓋過海鮮本身嘅鮮味,食完仲會鹽糖超晒標。呢道蒜茸粉絲杞子蒸魚柳,首先係將蒜茸混合粉絲一齊炒香,然後再配上魚柳一齊蒸煮,咁就能夠帶出魚柳嘅鮮味,而鹽同糖就可以用少三份一。另外,杞子含維他命C及胡蘿蔔素,有抗衰老效用,食呢道菜可以攝取好多營養,同時又可以享受到飲食嘅樂趣。

3間新加入少鹽少糖食店!以時令蔬果入饌

菠蘿百合炒雞柳

百合和新鮮菠蘿都有豐富維生素,當中菠蘿嘅芳香同微微酸甜嘅味道已足以促進食慾,所以煮呢道菜可以減少用三份一嘅鹽和糖。

 

地址:長沙灣福華街584號地舖

 

3.) 每天新鮮製造的營養餐盒─Youni

YOUNI係由“YOU”同“I”兩個字組成,希望通過食物同你攜手共同實現你嘅健康目標,以美味高質素嘅食材製作健康食物、營養餐、即食食品等,亦有網上訂購服務,無時無刻達到健體養生嘅目標。

蕃茄豬排

YOUNI利用天然熟成番茄、菠蘿、洋葱等材料增加呢道菜式嘅香甜味同果香,咁就可以減少使用糖,酸酸甜甜,特別開胃。

3間新加入少鹽少糖食店!以時令蔬果入饌

泰式免治豬肉碎

哩道菜精選瘦免治豬肉、茄子,再加入大量天然香料,包括豆角、香茅、薑、檸檬葉、蒜頭、胡椒等,咁就可以比以往少用三份一鹽,菜式仲更惹味同埋多層次。

3間新加入少鹽少糖食店!以時令蔬果入饌

巴東草飼牛柳粒

哩道菜加入紅蘿蔔、洋葱、南薑、紅蔥頭、蒜頭、香茅、薑、檸檬葉、杏仁奶、椰漿、紅辣椒等大量天然香料調味,咁就可以減少用三份一鹽同四份一糖,味道一樣咁香濃有風味。

 

地址:

尖沙咀彌敦道100號The ONE 9樓至11樓

旺角彌敦道639號雅蘭中心5樓

九龍灣宏照道38號MegaBox18樓

紅磡黃埔天地享膳坊(第4期)地下G8號鋪

灣仔柯布連道9-13號建利大廈地舖

中環皇后大道中138號威享大廈高層地下

 

想時刻保持飲食健康,可以去到Openrice搜尋「少鹽少糖」標籤頁(https://bit.ly/3pjbRdk)或瀏覽食物及衞生局網站(https://bit.ly/3no9TXc),就可以揾到更多少鹽少糖嘅美食驚喜!

更多關於「全城減鹽減糖」運動的最新資訊:

Facebook:全城減鹽減糖

Instagram:hkassr

 

資料由客戶提供

↓【限時搶⚡】日清盈優青汁套裝!↓

↓ 日本製造 / 2款口味:清爽蘋果味、濃厚白桃味!


↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

more