【灣仔美食】旺區新發現!十級爆汁牛肉餅

旺區新發現!十級爆汁牛肉餅

發佈: 2020.11.23
文: U Magazine

text:amy  photo:him  edit:winnie

說起城中最強牛肉餅,大家一定會諗起九龍城那家,不過最近店子遇上勁敵了!說的是眼前這個肉汁如瀑布般流瀉的牛肉餅,來自一間數月前才在灣仔開業的點心店出品。

做牛肉餅不難,食材及做法都不複雜,不過要做得好卻一點不易。「煎牛肉餅時因牛肉餅上下受熱,熱氣在餅內無處釋放時會形成一道壓力,如餅皮韌性不夠的話好易會爆開,賣相唔靚仔之餘肉汁都會流失,所以坊間不少店為解決這個問題,情願將皮做得厚身啲,但口感差好遠。」

陳師傅經多番嘗試,終於試出以半生熟皮加油及海藻糖代替傳統水皮(由純高筋麵粉加鹽及水開出來的皮)來做牛肉餅。「將一半麵粉用生水開、一半用熟水開,前者帶韌度、後者軟熟,再加埋秘密武器『海藻糖』,能令餅皮更柔韌,最後混合能令餅皮起酥的生油,食落口感最好。」陳師傅說。

做餡料的牛肉都有講究,陳師傅選用的是成本較高的新鮮牛坑腩,貪其帶筋有點咬口之餘牛味濃郁又帶少少油香,不過同時因為有筋的關係,所以攪碎牛肉時要攪足 2 次,才具口感而不突兀。師傅堅持用手打牛肉餡,而不用機攪,邊用陰力攪邊加入水份,牛肉餡吸收了水份,加埋加熱過程中牛脂溶解,食落自然更鬆軟爆汁,「有些舖貪方便用機打,牛肉起了膠,食落就會似山竹牛肉球,完全兩回事!」

皮和餡都準備好,就可以包牛肉餅,店子以 20 至 23 克外皮及約 30 克餡料的比例,在師傅的巧手下包出皮薄多餡的牛肉餅,再以中高溫煎至兩面金黃,登登登登!牛肉餅終於誕生,大家食時一定一定要小心,因為一咬就會爆出熱辣辣湯汁,外皮薄得來帶點柔韌與酥香,牛肉餡鮮香 juicy,的確高質好食。

秘密解鎖!

滬點

地址:灣仔軒尼詩道 385-391 號軒寧大廈地下 1-2 號舖

電話:2816 7937

營業時間:11:30am-5pm、6pm-11pm

【U Lifestyle App新年添新器】第一擊!

↓↓送Dyson三合一風扇暖風空氣清新機↓↓


↓《U TV》影片專區免費睇《簡易廚房》↓

適合入廚新手零失敗食譜!

more