12月天氣漸涼,又是時候食返碗熱辣辣的煲仔飯暖暖胃!馬鞍山MOSTown最近新開一間煲仔飯點心專門店「點煲」,以武俠風格為裝修主題,煲仔飯以備長炭烤焗,風味十足。餐廳除了有多款特色煲仔飯外,亦有不同煲仔小菜及打卡點心,馬鞍山的朋友又多個美食選擇喇!
馬鞍山MOSTown新港城中心最近開設全新煲仔飯專門店「點煲」,餐廳糅合武俠及現代主題,以霓虹燈裝飾,歎煲仔飯之餘可以順道打卡。
餐廳的煲仔飯選用泰國金鳳米,以備長炭烤焗,飯焦金黃焦脆。另外更配上自家特製豬油,更有獨特風味!有豉汁白鱔煲仔飯等經典款式,亦有芝士櫻花蝦金蠔銀魚煲仔飯、海膽安格斯牛肉煲仔飯、金銀蒜開邊蝦煲仔飯等創新口味。煲仔飯亦提供外賣套裝,可以原個煲仔飯帶走!
除了特色煲仔飯外,更有不精品點心,如蟹籽香菇燒賣、鳳尾蝦春卷、奶皇小豬包;另外亦有砵酒大鱔煲、勁辣滑雞煲等不同惹味煲仔菜。
點煲
地址:馬鞍山新港城中心2樓2203號舖
電話:23633166
營業時間:早上11時至晚上10時