紅磡上海小店 軟糯足料即包栥飯

發佈: 2020.12.28
文: U Magazine

TEXT:TY PHOTO:Man edit:Winnie

今時今日想食正宗上海粢飯,都唔係咁易搵到。尤其係即叫即包更買少見少,粢飯要即包才可以真正嘗到它的魅力,油炸鬼的脆、榨菜的爽、肉鬆的鬆、糯米飯的綿,盡在一口,呢間紅磡小店就食得到。

小店位於紅磡舊區,當年這裡是上海人集中地,店子最人氣的是上海粢飯,高峰時期一日賣到近 200 個!受歡迎因為粢飯全日都是即叫即包,粢飯拎上手一定係熱辣辣,打開膠紙可見飯粒分明,不會因水氣而口感變糊變軟,內裏的油炸鬼口感仍然香脆,肉鬆也不會因沾上水氣而變成一坨。一口咬下同時感受到軟綿和香脆,非常新鮮。坊間大部分上海餐廳為省成本,不額外派人手接柯打即做,唯有預早做定,口感當然難以相提並論。

做得好食,因為揀料出色。
米︰選用泰國糯米,煮出來口感也不會太軟,糯米會不時轉地方品牌。浸泡糯米也有竅門,浸太長時間,米粒會容易斷開;浸太短時間,米芯會煮唔透,口感像生米,浸大約 4 小時就最啱。
油炸鬼︰相熟粥麵店取貨,配方跟返「上海油條」做法,外層炸得香脆,肉身較少,每日分早上和中午 2 轉到貨,食落不會溢油又夠脆。
榨菜︰選用紹興貨色,一大埕運到店內再自行加工,醃漬後的榨菜味道會偏鹹,要過水,再用糖和麻油調味,最重要是要將榨菜晾乾水,口感才能保持爽脆。
肉鬆︰用本地品牌,睇中它在香港炒,質地蓬鬆又帶有少少脆度,不會太紮實,配合埋軟綿糯米、香脆油炸鬼一同吃,口感層次豐富。

上海栥飯 $22、熱豆漿 $7

 

美味解鎖:

【紅磡美食】紅磡上海小店 軟糯足料即包栥飯

滿堂樂滬京風味

地址:紅磡明安街4號

電話:2363 6488

營業時間:星期一至六 7am-9pm,星期日休息

↓【限時搶⚡】MG Spirit西班牙清新水果酒!↓

↓ 獨特微醺體驗 / 西班牙釀製 / 天然新鮮果汁混合5.5%酒精伏特加!↓


↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

more