打工仔糧尾救星!8大尖沙咀平價美食掃街好去處推介 番茄芝士撈麵/太陽蛋扒飯/慢煮漢堡/All Day Breakfast

發佈: 2021.01.20
文: 蘇潁琦

尖沙咀餐廳美食林立,當中不乏很多cafe及酒吧,這次推介8間尖沙咀餐廳平民美食,旺區餐廳很貴?原來尖沙咀都有很多價錢親民的好去處!有西餐Cafe Lunch set、大件抵食漢堡、懷舊冰室、港式車仔麵等,掃街夠平,打工仔放Lunch都可以「錫住荷包」。

 

1. 星座冰室

尖沙咀餐廳推介,當然不少得「星座冰室」,位於有超過半世紀的香檳大廈,鋪面仍然留有舊式鐵閘,更因劇集《金宵大廈》一炮而紅,吸引人前來打卡,可惜餐廳將因大廈收購面臨結業。餐廳主打馳名新鮮蕃茄麵及芝士撈麵,用料賣相雖然平凡,但食落有驚喜,價錢亦約在$40左右,快點把握機會來這間充滿回憶的冰室吧!

星座冰室

地址:尖沙咀金巴利道16-20號香檳大廈地庫36號舖

營業時間:星期一至六 08:00 - 18:00、星期日全日休息

電話:27244408

查詢:FB@星座冰室

詳細資料:

 

2. 三餐冰室

同樣是冰室的「三餐冰室」較為新興,主打港式茶餐廳美食,鋪面掛上霓虹燈牌及街道路牌,非常夠特色有「香港味」。有足料大碟碟頭飯、焗飯意粉、套餐等,價錢大約由$50至$70不等,適合做一人晚餐,角色鐵板扒餐也是百零蚊起,有齊餐湯、多士及飲品,牛扒分量滿足,各位食肉獸切勿錯過!

三餐冰室

地址:尖沙咀漆咸道南115號達成商業大廈地下

營業時間:星期一至日 07:30 - 22:00

電話:21309302

查詢:FB@三餐冰室

 

3. 光榮冰室

尖沙咀掃街好去處不少得光榮冰室!同樣主打港式茶記美食,門面裝修簡單,碟頭飯價錢親民,面頭餸菜或排類都很足料,完全遮蓋白飯呢!大約在$50左右,招牌菜有叉燒滑蛋飯、蔥油雞扒飯等,三眼仔太陽蛋扒飯的流心蛋爆漿超療癒,撈飯一流。晚上六點後還供應多款煲仔飯,如:窩蛋鮮牛及臘味煲仔飯,價錢亦只是大約$70。

光榮冰室

地址:尖沙咀厚福街5-6號地下6號鋪

營業時間:星期一至日 07:00 - 22:30

電話:24226555

查詢:FB@光榮飲食 Kwong Wing Catering

詳細資料:

 

4. 永年士多

掃街好去處當然有車仔麵平民美食!永年士多主打售賣各款麵食及配料,自選三餸車仔麵$43,三餸蝦子撈麵$48,粉面可以選擇油麵、米粉等,亦有多款配料,包括:豬皮、蘿蔔、魚蛋、魷魚等經典車仔麵餸,選擇多到令人眼花撩亂!亦有生菜魚肉、蠔油菜心、腐乳通菜等麵檔之選,不用$50就能醫肚,超抵食!

永年士多

地址:尖沙咀加拿分道46號地下7-8號舖

營業時間:星期一至日 12:00 - 22:30

電話:24770110

查詢:FB@永年士多 wingninnoodle

 

5. 靚靚 不一樣的車仔麵

餐廳同樣售賣車仔麵,亦有客飯套餐、小食,適合做lunch或一人晚餐。湯底標榜無味精,有特龍蕃茄湯、黑松露湯、瑤柱濃湯,亦可以選擇稻庭烏冬、蝦子麵及韓國薯粉。除了經典車仔麵小食,亦有黑毛豬叉燒、酒糟豆腐、魚子醬分子蛋、九轉大腸等創意料理,非常新穎。每款配料、湯底和麵食價錢由$8至$27不等,可以自由配搭。

靚靚 不一樣的車仔麵

地址:尖沙咀科學館道14號新文華中心地下22-23號舖

營業時間:星期一至日 06:00 - 00:00

電話:23660555

查詢:FB@靚靚 不一樣的車仔麵

 

6. 嘉寶漢堡

美式漢堡餐廳一定會很昂貴?嘉寶漢堡價錢親民,大大份打卡一流,漢堡包最平$36就食到,最貴亦不過$60,漢堡扒以慢煮方法烹調,咬落好Juicy ,餡料滿寫,特別推介烤菇芝士牛堡和罕見孜然香辣羊堡,味道非常夾,還有其他特色小食,例如炸拉絲芝士條及香脆粟米片雞塊。餐廳很多時候都大排長龍,可想然之極受歡迎。

嘉寶漢堡

地址:尖沙咀金巴利道78號金輝閣地下A號舖

營業時間:星期一至日 12:30 - 23:00

電話:95214405

查詢:FB@嘉寶小食

詳細資料:

 

7. I Café

這家尖沙咀Cafe是不少打工仔的午餐之選,也是跟朋友的好去處。每天lunch set提供不同餐牌選項,有各款西餐午市套餐,價錢大約在$50至$70不等,是平民高質Cafe,打卡一流。有海鮮意粉、手打漢堡、Bagel和沙律等輕食選擇,其All Day Breakfast 好吸引,還有班尼迪蛋,價錢不過$70,非常有水準,更有手沖拉花咖啡。

I Café

地址:尖沙咀麼地道67號半島中心1樓115號舖

營業時間:星期一至六 08:00 - 18:00、星期日 全日休息

電話:23127668

查詢:FB@Icafe tst

 

8. 金妹記大排檔

尖沙咀餐廳好去處當然要有大排檔美食!有各種惹味鑊氣小炒、煲仔菜、蒸餸、粥粉麵飯、避風塘海鮮及中式小菜,價錢大約由$50起,大多不過$100,有特色鬼馬油炸鬼、潮式蠔仔粥、豉椒炒蜆、炸大腸等大排檔必食菜式。冬天叫個暖笠笠的煲仔菜,晚餐外賣,或lunch time約同事試試,叫幾個小菜開心share!

金妹記大排檔

地址:尖沙咀金巴利道45-47號金巴利廣場地庫

營業時間:星期一至日 11:00 - 01:00

電話:66908809

查詢:FB@金妹記大排檔 (香港尖沙咀)Gold Mui Kee Seafood Stall

部分圖片授權:IG@lanlan_eatIG@food_stoppp

圖片來源:FB@三餐冰室FB@光榮飲食 Kwong Wing CateringFB@永年士多 wingninnoodleFB@靚靚 不一樣的車仔麵FB@嘉寶小食FB@Icafe tstFB@金妹記大排檔 (香港尖沙咀)Gold Mui Kee Seafood Stall

【尖沙咀美食】打工仔糧尾救星!8大尖沙咀平價美食掃街好去處推介 番茄芝士撈麵/太陽蛋扒飯/慢煮漢堡/All Day Breakfast

↓【社群送禮】麒麟一番搾啤酒及禮品套裝!↓

↓麒麟一番搾啤酒杯/櫻花富士山杯/櫻花玻璃碟↓


↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

more