提起譚仔,相信除了米線、土匪雞翼、尖椒皮蛋外,fans們一定會想起「譚仔話」。聽譚仔姐姐講譚仔話就聽得多,但譚仔姐姐講英文你又聽過未?最近譚仔雲南米線就請來姐姐教大家用英文落單,即使變做英文仍然不失譚仔話的韻味!
譚仔早幾年就請來馬國明客串拍廣告,馬明在片中學講地道譚仔話,成為全城熱話。最近譚仔在中環開設分店,譚仔表示為融入國際金融中心,特地讓譚仔姐姐閉關修練學英文,點餐急口令成功KO外國客。
譚仔更推出譚仔英語教室,教大家用英文點餐。一齊跟姐姐學英文版譚仔話:
廣告一出立即引來不少網民迴響,大家都讚譚仔有創意,更笑指原來譚仔話都有英文版!按下圖睇網民回應:
除了譚仔姐姐教的幾個英文外,不如順便學埋其他譚仔招牌美食英文,以後就可以同外國朋友介紹下譚仔啦!
圖片來源:FB@譚仔雲南米線