Txt/ yan photo/ kent
老餅家賣少見少，傳統甜包西餅還是逐漸失傳，例如 50 年代流行的忌廉筒。如田螺般的酥皮包內，是雪白的忌廉，好看、精美。可是製作工序繁複，在愈趨繁忙的都市，甚少師傅再做。幸好在錦田這間老餅家，仍然可以找到提供這款懷舊甜包，讓舊日的事物再次風靡起來！
位於錦田公路上，勝發餅家門外長時間排滿人，店中的忌廉筒幾分鐘便賣去一大盤。「高峰時日賣 800 個！」年過 70 的蔡師傅雙手從沒停下來：「做忌廉筒好繁複，我整過你睇就知。」
忌廉以紅寶石植物牛油和糖水預先打好一大桶，選香港麵粉廠的麵粉加蛋搓成粉團，粉團要放雪櫃雪 1 小時至硬，否則麵團粘手便會令外皮走樣。師傅取出雪好的粉團以陰力又碌又壓，壓扁後，便摺綿胎般摺成 4 層，然後再碌再壓，如是者重複 3 次，摺出 256 層。師傅不慌不忙地壓粉糰，力度要好好控制。壓過最後一次，便將粉團皮界條、掃蛋漿，再以模具將猶如寬條麵的餅皮捲成田螺形餅筒，於餅筒上再掃多層蛋漿才入焗爐。「掃蛋漿唔止香啲，顏色都有層次、好睇啲。」
餅筒 10 分鐘後出爐，略略放涼後便拆離模具，唧入雪白忌廉，成為忌廉筒。傳統正宗好味的忌廉筒應該是甜還是鹹？「你食咗先，食咗就知！」我拿起一個，可愛如精品，細細啖已經可以連包帶忌廉啜入口。餅筒酥化度簡直媲美牛角包，最外層薄脆得很，咬下有「嚓」一聲的效果，當中軟熟鬆化有空氣感。味道方面，帶有港式傳統包餅的鹹香。「鹹味是來自牛油，完全沒有下鹽。」忌廉加入植物牛油打成，所以有雪糕般的咬口，細滑得來，沒有一陣風的空虛感。淡淡的奶油香，甜度剛好，配合酥皮鹹甜之間，又不會膩。包點還是新鮮出爐最好吃，別放太長時間，最好親身排隊即買即食！
忌廉筒 $7/ 個
忌廉筒之誕生
嚴選靚料
勝發餅家
地址：元朗錦田公路 215 號 A
電話：2476 4740
營業時間：6am-8pm
↓【社群送禮】麒麟一番搾啤酒及禮品套裝！↓
↓麒麟一番搾啤酒杯／櫻花富士山杯／櫻花玻璃碟↓
↓【限時搶⚡】Louiscocoa鳳梨啤酒口味可可即沖營養代餐奶昔！↓
↓ 首創含微量酒精代餐 / 嚴選高級可可粉 / 加水即沖即飲！↓
