海鮮、素食好味又健康!3間少鹽少糖新食店推介

發佈: 2021.01.15
文: U Food

近年興起一片素食熱潮,好多人都開始養成茹素或者少食紅肉嘅習慣,希望令身體健康之餘,同時支持環保。不過大家有無留意到,其實坊間唔少素菜都用上大量調味料,令食物有食肉嘅感覺,想食得健康嘅話可能會弄巧反拙!調味料落得愈重手,代表愈高鹽、高糖。攝入過量嘅鹽分有機會導致高血壓、致命性中風同冠心病,而食太多嘅糖分就會引致肥胖同蛀牙,肥胖症更分分鐘增加患上高血壓、心臟病同糖尿病嘅風險,係咪聽見都怕怕呢?

幸好,近年唔少人都好講求精明飲食,出街食飯叫外賣都會揀過度過。為咗令巿民外出用膳時有更多少鹽少糖嘅健康選擇,食物及衞生局、降低食物中鹽和糖委員會,以及食物環境衞生署食物安全中心就係2019年初推出「少鹽少糖食店計劃」,參與計劃嘅食肆會為顧客提供少鹽少糖嘅選擇或者特設少鹽少糖菜式,令大家即使出街食飯或者叫外賣,亦能享受到少鹽少糖又美味嘅菜式,將味道同健康兼顧嘅飲食態度宣揚開去,連Openrice都加埋「少鹽少糖」食店搜尋功能,想食得健康啲就唔使四圍搵啦~

今次就介紹3間新加入少鹽少糖食店,每間都有3款特別設計嘅少鹽/少糖菜式,包括素食和海鮮菜式,即使係唔同飲食習慣嘅你都一樣搵到啱口味嘅健康選擇!

 

1. 天天素食

老字號天天素食,已開業30年,但仍精益求精,一般製作傳統齋鹵味、點心甜品、自家製涼茶及健康素材,堅持每日新鮮製作,今次特別加入少鹽少糖食店,推出3款惹味又健康嘅菜式,啱晒食素嘅朋友!

 

黑松露白汁鮮淮山雞髀菇

黑松露夠香又能提鮮,以黑松露醬配鮮淮山及雞髀菇,惹味無窮,鹽、糖分量亦比正常少三份一,色香味十足之餘,不失營養健康。

 

雜菌彩椒翠玉瓜

以多種菇菌入饌,帶來獨特嘅大地氣息同香味,配以成熟嘅紅、黃燈籠椒,輕輕一炒保留爽脆口感,畫面豐富之餘,甜椒嘅天然甜味進一步提昇菜式嘅味道,變相可減少落糖落鹽,咁就食得更健康。

海鮮、素食好味又健康!3間少鹽少糖新食店推介

 

天天素食分店地址:

荃灣富華中心商場1樓2B(B)

荃灣青山公路荃灣段264-298號南豐中心1樓A440-1號舖

鯉魚門鯉魚門路80號鯉魚門廣場1樓116號舖

天后英皇道14號天后蘋果商場G6-7號舖

藍田匯景商場3樓17-18號舖

 

2. iBakery Gallery Café

位於添馬公園嘅iBakery Gallery Cafe,致力推動「不同能力,同一熱愛」嘅共融理念。除咗為客人提供優質烘焙產品、咖啡及簡便午餐,亦會展示藝術作品、手工製品及有機盆栽等,係一個匯聚多元文化嘅平台。

 

自家製香草醬意粉

自製嘅香草醬本身風味濃厚,配上味道濃郁嘅蘑菇,所以即使烹調時比正常少落半茶匙鹽,都一樣滋味無窮,而佢地更喺製作呢道菜時不加額外嘅調味,意粉唔油唔膩,貫徹健康態度。

海鮮、素食好味又健康!3間少鹽少糖新食店推介

 

黑松露蘑菇雜菌天使麵

黑松露同雜菌嘅天然香味盎然,所以烹調一碟意粉可以減少落半茶匙鹽同糖,都已經夠晒味,令你可以品嚐到唔同菇菌類嘅層次。

 

香煎青衣魚柳配白酒甜紅椒汁

其實魚柳本身是一種容易入味的食材,所以烹煮魚柳時就算落少半茶匙鹽同茶匙糖,都夠入味,加埋白酒甜紅椒汁,以白酒及甜紅椒嘅不同甜味去帶出魚柳鮮味,味蕾大滿足,值得一試!

海鮮、素食好味又健康!3間少鹽少糖新食店推介

 

iBakery Gallery Café地址:

香港金鐘添馬公園添馬茶座

 

3. 咖啡空間21

咖啡空間21(Cafe21)係香港青年協會轄下社會企業項目,提倡健康飲食,菜式以新鮮食材及以健康烹調方式為主。烹調時選用低鹽、低油及低糖嘅方法,係好多著重健康人士嘅飯堂之一。

 

烤雜菜意粉

雜菜巧妙咁選用紫薯、紅菜頭及甘荀,每一樣食材都帶有獨特嘅甜味,所以食店特別利用呢3種食材嘅原有味道去烹調意粉,更加比以往用少咗一半糖及鹽,但都可以保持口味清新! 

海鮮、素食好味又健康!3間少鹽少糖新食店推介

 

羅勒醬青口魷魚圈意粉

呢碟係用自家青協農莊種植嘅新鮮羅勒製成嘅羅勒醬,再配合海鮮和其他香草烹調而成嘅意粉。由於海鮮嘅鮮味同香草獨有嘅味道,令大廚烹調哩個菜式時比以往少用三份一糖同鹽,喺健康食譜設計上落足心思。

 

蒜片辣椒蜆肉意粉

加入辣椒籽嘅三色椒同洋蔥,而蜆肉本身亦帶有海水味,再配上香辣既蒜片同辣椒,令菜式唔再落鹽同糖,都一樣香辣惹味,健康好味。

海鮮、素食好味又健康!3間少鹽少糖新食店推介

 

咖啡空間21地址:

鰂魚涌百福道21號香港青年協會大廈地下

 

另外,俾個貼士大家:除咗去Openrice,你亦可瀏覽食物及衞生局網站,發掘更多少鹽少糖美食驚喜!

 

資料由客戶提供

↓【限時搶⚡】位元堂養生花茶系列!↓

↓ 選用優質草本成分!/ 無添加香料同防腐劑!↓


↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

more