【紅磡下午茶】紅磡都會海逸酒店推粉紅主題下午茶自助餐 任食多款士多啤梨/玫瑰榴槤甜品+Häagen-Dazs雪糕

紅磡都會海逸酒店推粉紅主題下午茶自助餐 任食多款士多啤梨/玫瑰榴槤甜品+Häagen-Dazs雪糕

發佈: 2021.01.18
文: Carmen Luk

甜品控要留意啦!紅磡都會海逸酒店推出草莓‧玫瑰‧櫻花主題下午茶自助餐,一系列粉紅色調的甜品非常吸引,不但可以食勻多款士多啤梨、玫瑰甜品,還有酒店招牌的榴槤、芒果甜品,可任食Häagen-Dazs雪糕杯及雪糕批。酒店更推出75折優惠,有興趣的朋友記住要預早Book位啦~

正值士多啤梨當造季節,香甜多汁,甜品自助餐又點少得士多啤梨甜品呢?必食推介有士多啤梨淡忌廉蛋糕,口感鬆軟綿密,味道香甜;士多啤梨千層蛋糕,賣相精緻,打卡一流。仲有其他甜點,如士多啤梨乳酪蛋糕、士多啤梨脆卷筒、士多啤梨朱古力噴泉。

粉紅主題的其他特色甜點,包括有玫瑰焦糖燉蛋、香濃玫瑰意大利芝士蛋糕、玫瑰忌廉芝士球、櫻花天使蛋糕等,不但造型吸引,口感軟滑香甜,絕對能滿足到甜品控!

另外,還有多款酒店招牌甜點,如自家製榴槤脆酥及榴槤班戟,現場即製的流心布甸、流心撻、梳乎厘等,再加上多款Häagen-Dazs雪糕杯及脆皮雪糕批,令甜品迷大飽口福。

除了甜品外,下午茶自助餐亦提供冰鎮熟凍蝦、紐西蘭青口、多款刺身、點心、即焗薄餅、天婦羅、沙律等滋味美食,一於約埋朋友去食下午茶啦~

 

「草莓‧玫瑰‧櫻花」下午茶自助餐

地址:紅磡都會道7號都會海逸酒店7樓(港鐵紅磡站C2出口)Promenade西餐廳

供應日期:2021年1月23至31日 (逢星期六及日) 下午3時至5時30分

價錢:成人$328、折後$246;小童$208、折後$156 (於eshop預訂可享75折,另加一服務費)

電話:3160 6880

 

迷你兵團限定版三文治機

↓↓輕鬆烤出不同Minions圖樣↓↓


【神徒福利】教主Anson Lo快問快答大爆料!

↓即睇免費獨家足本專訪↓

more